2023 جىلدىڭ 22 قازان كۇنى، 18.00 -دە، رەسپۋبليكا كۇنىنە وراي، ق ر مادەنيەت جانە اقپارات مينيسترلىگىنىڭ قولداۋىمەن جامبىل اتىنداعى قازاق مەملەكەتتىك فيلارمونياسىندا رەسپۋبليكالىق «ونەرىمىز ساعان – قازاقستان!» اتتى فەستيۆال وتەدى.
فەستيۆالدىڭ ماقساتى - قازاق حالقىنىڭ ونەرى مەن مادەنيەتىن قازاقستاندا تۇراتىن ەتنوستىق توپتار اراسىندا جان-جاقتى ناسيحاتتاۋ، قازاقستاندىق پاتريوتيزم مەن ەلىمىزدىڭ كوپتۇرلى مادەني ەرەكشەلىكتەرىن دامىتۋ، ورىنداۋشىلاردىڭ كاسىبي شەبەرلىگىن ارتتىرۋ. قازاقستان حالقىنىڭ بىرلىگىن ساقتاۋ جانە ەلىمىزدىڭ كوپتۇرلى مادەني ەرەكشەلىكتەرىن دامىتۋ.
اتالمىش شاراعا بارلىق ەتنو-مادەني بىرلەستىكتەر جانە قازاق ۇلتتىق ونەرىن جەتىك مەڭگەرگەن (دومبىرا، قوبىز، سىرناي، تاعى باسقا قازاق ۇلتتىق اسپاپتارىندا وينايتىندار، قازاق ءانى مەن ءبيىن ورىندايتىندار) ەتنوستىق توپ وكىلدەرىنىڭ جەكە جانە توپتىق ورىنداۋشىلارى قاتىستى.
ورىندالاتىن شىعارمالاردىڭ ۋاقىتى 5 مينۋتتان اسپاۋى قاجەت.
فەستيۆال ءىى كەزەڭنەن تۇرادى: ءى كەزەڭگە قازاقستاننىڭ بارلىق وڭىرلەرىنىڭ ەتنو-مادەني بىرلەستىكتەرىنىڭ وكىلدەرى ونلاين فورماتتا قاتىسادى جانە ەكىنشى كەزەڭگە ىرىكتەۋدەن وتەدى. ءىى كەزەڭگە وتكەن قاتىسۋشىلار «ونەرىمىز ساعان - قازاقستان!» رەسپۋبليكالىق فەستيۆالىنىڭ ۇيىمداستىرۋشى كوميتەتىمەن ىرىكتەلىپ،
الماتى قالاسىندا قازان ايىنىڭ 22-دە، ساعات 18.00-دە جامبىل اتىنداعى قازاق مەملەكەتتىك فيلارمونياسىنىڭ ۇلكەن زالىندا ءوتەتىن گالا-كونسەرتىندە ونەر كورسەتەدى.
فەستيۆالدىڭ قاتىسۋشىلارىنا العىس حاتتار تاپسىرىلادى.
شاراعا قاتىسۋ شارتتارى، قوياتىن تالاپتارى جامبىل اتىنداعى قازاق مەملەكەتتىك فيلارمونياسىنىڭ الەۋمەتتىك جەلىلەرىندە ورنالاستىرىلدى.