«وميكرون» شتامىن انىقتايتىن پتر تەست جاسالدى

سينگاپۋر عالىمدارى «وميكرون» كوروناۆيرۋس شتامىن انىقتايتىن الەمدەگى العاشقى مامانداندىرىلعان پتر تەستىن جاساپ شىعاردى

تەستتى Bio Acumen Global فارماسيەۆتيكالىق كومپانياسى ازىرلەدى. قازىرگى كەزدەگى تەستتەر كوروناۆيرۋستىق ينفەكسيانى انىقتاي الادى، ءبىراق پاسيەنتتىڭ قانداي شتامدى جۇقتىرعانىن كورسەتپەيدى. جاڭا تەستتى قولدانۋ ۋاقىتتى ۇنەمدەۋگە كومەكتەسەدى، COVID-19 جۇقتىرۋ فاكتىسىن جانە ورگانيزمدە «وميكرون» شتامىنىڭ بار-جوعىن بىردەن انىقتايدى. ازىرلەۋشى كومپانيا جاقىن ارادا كورشى ەلدەرگە جاڭا پتر-تەستىلەردى جەتكىزۋدى جوسپارلاپ وتىر، دەپ حابارلايدى Almaty-akshamy.kz 

رەسەيلىك ۆيرۋسولوگ پەتر چۋماكوۆ «وميكرون» شتامىن «ءتىرى» ۆاكسينا دەپ اتادى. ۆ. ا. ەنگەلحاردت اتىنداعى مولەكۋلالىق بيولوگيا ينستيتۋتىنىڭ زەرتحانا مەڭگەرۋشىسى «وميكروننىڭ» پايدا بولۋىمەن ادامزات لوكداۋندار تۋرالى ۇمىتا الادى دەگەن ءۇمىتىن ءبىلدىردى. 

«تابيعات كوروناۆيرۋسقا قارسى ءتىرى ۆاكسينا جاسادى دەگەن وپتيميستىك پىكىر بار. ياعني، وسى شتاممەن اۋىرعان ادامدار ساۋىعىپ شىققاننان كەيىن پاتوگەندىك نۇسقالارعا ءتوزىمدى كەلەدى»، دەپ ۇسىندى چۋماكوۆ. 

ءبىراق سوڭعى تۇجىرىمداردى جاساۋعا ءالى ەرتە ەكەندىگى دە اتاپ ءوتىلدى.