ولجاس سۇلەيمەنوۆ:  "جۋرناليستيكانىڭ جارىق بۇرىشى"

"Alataý اqparat" مەدياحولدينگى قالتا كىتاپشالارىن شىعارىپ جاتقانىنا قۋانىشتىمىن»

 «Alataý اqparat» مەدياحولدينگى قازاقستان ءباسپاسوزىنىڭ تاريحىندا ءبىرىنشى رەت قالتاعا سياتىن كىتاپتار سەرياسىمەن ءوزىنىڭ جەكە كىتاپحاناسىن شىعارا باستادى. العاشقى بولىپ قازاقستان جۋرناليستەر اكادەمياسىنىڭ پرەزيدەنتى ساعىمباي قوزىبايەۆتىڭ «دايديداۋ» اتتى شاعىن كىتاپشاسى جارىق كوردى.

قازاقستان ءباسپاسوزىنىڭ ءبىر جارىم عاسىرلىق تاريحىندا تۇڭعىش رەت «Alataý اqparat» مەدياحولدينگى Pocketbook فورماتىنداعى، ياعني قالتاعا سياتىن شاعىن كىتاپشالاردىڭ جەكە كىتاپحاناسىن شىعارا باستادى. مۇنداي كىتاپشالار تەك كەڭەس وداعى كەزىندە «وگونەك» جۋرنالىندا باسىلىپ شىققان.

مەدياحولدينگ ءوز كىتاپحاناسىندا بەلگىلى قازاقستاندىق ادەبيەتشىلەردىڭ، جازۋشىلاردىڭ، پۋبليسيستەردىڭ تۋىندىلارىن باسىپ شىعارۋدى كوزدەپ وتىر. قالتا كىتاپشالارىنىڭ توپتاماسىن قازاقستان جۋرناليستەر اكادەمياسىنىڭ نەگىزىن قالاۋشى ءارى پرەزيدەنتى، قازۇۋ باسپا ءسوز جانە ەلەكتروندىق ب ا ق كافەدراسىنىڭ قۇرمەتتى مەڭگەرۋشىسى، جۋرناليستيكا مەترى ساعىمباي قاباش ۇلى قوزىبايەۆتىڭ «دايديداۋ» اتالعان ەسسەلەر توپتاماسى باستادى. كىتاپتىڭ تۇساۋكەسەر ءراسىمى الماتىدا ۇلتتىق باسپا ءسوز كلۋبىنىڭ الاڭىندا ءوتتى. سالتاناتتى ءىس-شاراعا ارنايى قوناق رەتىندە تانىمال اقىن، «Alataý Aqparat» مەدياحولدينگىنىڭ شىعارماشىلىق دامۋ جونىندەگى كەڭەسىنىڭ ءتوراعاسى ولجاس سۇلەيمەنوۆ پەن كەڭەس مۇشەسى، قازاقستان جۋرناليستەر وداعىنىڭ ءتوراعاسى سەيىتقازى ماتايەۆ، سونداي-اق «نيەۆادا–سەمەي» قوزعالىسىنىڭ ۆيسە-پرەزيدەنتى ۆالەريي جانداۋلەتوۆ قاتىستى.

كوڭىلگە سەنىم ۇيالاتادى

ءىس-شارانىڭ مودەراتورى بولعان ۆالەريي جانداۋلەتوۆ سالتاناتتى جيىندى تاعى ءبىر جاقسى حابارمەن باستادى. ول سانكت-پەتەربۋرگتەگى «پالميرا» باسپاسى ولجاس سۇلەيمەنوۆتىڭ شىعارمالار جيناعىن شىعارىپ جاتقانىن ايتتى (بۇل تۋرالى گازەتىمىزدىڭ الدىڭعى نومەرىندە حابارلاعانبىز).

سونداي-اق، ۆ.جانداۋلەتوۆ يۋنەسكو قامقورلىعىنداعى مادەنيەتتەردى جاقىنداستىرۋدىڭ حالىقارالىق ورتالىعى مەملەكەتتىك قور مۇراعاتىنان ولجاس ومار ۇلىنىڭ پاريج، نيۋ-يورك سىندى قالالاردا ولەڭ وقىعان 60 جىل بۇرىنعى بەينەجازبانى تاپقانىن حابارلادى. الداعى ۋاقىتتا بۇل بەينەجازبانىڭ ۇزىندىلەرى ەلىمىزدىڭ تەلەارنالارىندا كورسەتىلەتىن بولادى. اقجولتاي اقپارات ايتىلعان سوڭ، سالتاناتتى شارانىڭ رەسمي ءالعىسوزى قازاقستاننىڭ ەڭبەك ەرى، «نيەۆادا–سەمەي» قوزعالىسىنىڭ جەتەكشىسى، اقىن ولجاس سۇلەيمەنوۆكە بەرىلدى.

– بۇرىن مەملەكەت تاراپىنان ادەبيەتكە قالاي كوڭىل بولىنەتىن. كىتاپتار مىڭداعان تيراجبەن شىعاتىن. مەنىڭ سوڭعى كىتاپتارىمنىڭ ءبىرى وسى الماتىدا 200 مىڭ دانا بولىپ باسىلدى. ءقازىر بۇعان كىم سەنەدى؟ «وگونەك» جۋرنالىنداعى كىتاپشام 2،5 ميلليون تيراج بولىپ بۇكىل كسرو وقىرماندارىنا تارادى. ونىڭ باعاسى 30 تيىن ەدى. ءبىراق مۇنىڭ ءوزى مەملەكەتكە وتە ءتيىمدى بولدى. بارلىق كىتاپشالار ءوتىپ كەتتى. جاقىندا ونى قاعازدارىمنىڭ اراسىنان تاۋىپ الىپ، سول كەزدەر ەسىمە ءتۇستى، – دەدى اقىن.

سونىمەن قاتار، و.سۇلەيمەنوۆ «Alataý Aqparat» مەدياحولدينگىنىڭ كىتاپ توپتاماسىن شىعارا باستاعانىنا قۋانىشىن ءبىلدىرىپ، كەلەسى كىتاپشا اۆتورلارىنىڭ ءبىرى بولۋعا ءوزىنىڭ دە ءۇمىتتى ەكەنىن ايتتى: – «Alataý Aqparat» مەدياحولدينگى قالتا كىتاپشالارىن شىعارىپ جاتقانىنا قۋانىشتىمىن. ءبىرىنشى كىتاپشانى ساكەڭ تانىستىرىپ وتىر. كەلەسى بولىپ ءبىز دە باسىلارمىز دەپ ۇمىتتەنەمىن. ۋاقىت وتە كەلە تيراجى دا وسەدى دەپ ويلايمىن. وسىنداي كىشكەنتاي قادامدارمەن باسىلىم ءسوزىنىڭ كۇش-قۋاتىن ۇمىتتىرمايمىز دەپ سەنەمىن. الماتىدا ساقتالعان جۋرناليستيكانىڭ جارىق بۇرىشى – وسى سالا ەشتەڭەگە قاراماي دامي بەرەدى دەگەن نارسە كوڭىلگە سەنىم ۇيالاتادى.

«Almaty aqshamy» گازەتىنىڭ 35 جىلدىعىنا وراي كىتاپتار توپتاماسىن شىعارامىز

ءىس-شارا مودەراتورى ۆ.جانداۋلەتوۆ تۇساۋى كەسىلگەلى تۇرعان كىتاپشانىڭ ساعىمباي قوزىبايەۆتىڭ 56-كىتابى ەكەنىن ايتا وتىرىپ، ونى سوڭعى جىلدارى ەڭ كوپ كىتاپ باسىپ شىعارعان اۆتور رەتىندە «گيننەستىڭ رەكوردتار كىتابىنا» ەنگىزۋدى ۇسىندى. ودان كەيىنگى ءسوز كەزەگىن «Alataý اqparat» مەدياحولدينگىنىڭ باس ديرەكتورى تولەمىس كۇلمۇحامەدوۆ جالعاستىردى:

– «Alataý اqparat» مەدياحولدينگىنىڭ كىتاپشاسىن شىعارۋ يدەياسىن ماعان ءبىزدىڭ شىعارماشىلىق دامۋ جونىندەگى كەڭەس ۇسىندى. بۇل كەڭەستىڭ ءتوراعاسى – ولجاس سۇلەيمەنوۆ، سونداي-اق كەڭەسكە مۇرات اۋەزوۆ، ساعىمباي قوزىبايەۆ، سەيىتقازى ماتايەۆ كىرەدى. بۇل كىتاپتار ءبىزدىڭ جازۋشىلارىمىز، قارىمدى قالامگەرلەرىمىز ءوز شىعارماشىلىق تۋىندىلارىمەن بولىسە الاتىن تاعى ءبىر جاڭا الاڭ رەتىندە باسىلىپ وتىر. وعان قوسا، قوعامدا وقۋ مادەنيەتى مەن ۇلتتىق كودتى قالىپتاستىرۋعا ۇلەس قوساتىن، وقىرماندارعا اۆتورلاردىڭ شەبەرلىگىن، ءسوز سۇلۋلىعىن ءوز بويلارىنا سىڭىرۋگە كومەكتەسەتىن قۇرال بولسا دەيمىز. ءبىرىنشى كىتاپشا ساعىمباي قاباش ۇلىنىڭ اۆتورلىعىمەن شىققانىنا وتە قۋانىشتىمىز. الداعى ۋاقىتتا وزگە دە ادەبيەت پەن مادەنيەت تارلاندارىنىڭ كىتاپتارىن شىعارۋ جوسپاردا بار. كەلەسى جىلدىڭ العاشقى ايلارىندا «الماتى – جۇرەگىمدە» بايقاۋىن وتكىزەتىنىمىزدى جاريالاعىم كەلەدى. بايقاۋ اياسىندا بىزگە جىبەرىلگەن ماقالا، ەسسە، ان-ولەڭدەردىڭ ءبىر بولىگى گازەتكە باسىلسا، قالعانى وسىنداي كىتاپشاعا ەنەدى، – دەدى ت.كۇلمۇحامەدوۆ.

«Alataý اqparat» مەدياحولدينگىنىڭ باس ديرەكتورى كەلەسى جىلى «Almaty aqshamy» گازەتىنىڭ 35 جىلدىعىنا وراي تاعى بىرنەشە جيناقتاردىڭ شىعاتىنىن اتاپ ءوتتى:

– بيىلعى جىل بارلىعىنا وڭاي وتكەن جوق. جىل قالاي باستالعانى ءبارىمىزدىڭ ەسىمىزدە. ءبىزدىڭ ۇجىم ءۇشىن دە اۋىر جىل بولدى. ارىپتەسىمىز ميحايل بۋرەنكوۆ ومىردەن وزدى. وسىنداي قيىندىققا تولى جىلدى قالتا كىتاپشالارىن جارىققا شىعارۋ ارقىلى جاقسى باستامامەن تۇيىندەگىمىز كەلدى. كەلەسى رەتتە «Almatۋ aqshamy» گازەتىنىڭ 35 جىلدىعىنا وراي مەملەكەتتىك تىلدە بىرنەشە كىتاپ توپتاماسىن شىعارامىز، – دەدى تولەمىس باقتىباي ۇلى.

«Alataý اqparat» مەدياحولدينگىنىڭ باستامالارى قۋانتادى»

العىسوزدەردەن كەيىن ولجاس سۇلەيمەنوۆ باستاعان زيالى قاۋىم «دايديداۋ» كىتابىنىڭ تۇساۋىن كەسىپ، سالتاناتتى ءىس-شارا قاتىسۋشىلارىنا ۇلەستىردى. جيىننىڭ رەسمي كەزەڭى بىتكەن سوڭ، جاڭا كىتاپشانىڭ اۆتورى ساعىمباي قوزىبايەۆ «Alataý اqparat» مەدياحولدينگىنە العىسىن ءبىلدىردى:

– ءبىرىنشى كەزەكتە تولەمىس باقتىباي ۇلى باسقارىپ وتىرعان «Alataý اqparat» مەدياحولدينگىنە ريزاشىلىعىمدى بىلدىرەمىن. ءقازىر وزدەرىڭىز بىلەتىندەي، كوپتەگەن باسىلىمدار جابىلىپ جاتىر. مۇنداي اقپارات الاڭىنداعى وزگەرىستەر ءبىزدى الاڭداتادى. ولجاس ومار ۇلى ايتقانداي، ءوز مادەنيەتىمىزگە بۇلاي قاراۋعا بولمايدى. «Almaty aqshamy» مەن «ۆەچەرنيي Almaty» گازەتتەرىن بىرىكتىرىپ وتىرعان «Alataý اqparat» مەدياحولدينگىنىڭ جۋرناليستيكا سالاسىنداعى باستامالارى كوڭىل قۋانتادى. ءبىر ايداي ۋاقىت ىشىندە كىتاپشانى شىعارىپ وتىرمىز. مۇندا مەنىڭ بۇرىن جاريالانعان، ءبىراق ەشقانداي جيناقتارعا كىرمەگەن ماقالالارىم ەندى. ءبىر جارىم عاسىرعا جۋىق قازاقستان جۋرناليستيكاسىنىڭ تاريحىندا بۇل – العاشقى باسىلىم كىتاپشاسى. ول قالتاعا سياتىنداي شاعىن ءارى مەترو، اۆتوبۋستار سەكىلدى قوعامدىق كولىكتەردە وقۋعا ىڭعايلى، – دەدى ساعىمباي قوزىبايەۆ.

بۇدان كەيىن قازاقستان جۋرناليستەر اكادەمياسىنىڭ پرەزيدەنتى مەدياحولدينگكە جازۋ ماشينكاسىنا ارنالعان 1960 جىلدىڭ تاسپاسىن سىيلادى. ال قازاقستان جۋرناليستەر وداعىنىڭ ءتوراعاسى سەيىتقازى ماتايەۆ ارىپتەسىنىڭ ءسوزىن جالعاپ، «Alataý اqparat» ۇجىمىنىڭ مۋزەيىنە ءوزىنىڭ بىرنەشە جۋرناليستىك كۋالىكتەرىن تاپسىردى.

كىتاپ تۇساۋكەسەرىندە ساعىمباي قوزىبايەۆ جارتى عاسىرعا جۋىق ۋاقىت ساباق بەرىپ كەلە جاتقان ءال-فارابي اتىنداعى قازۇۋ جۋرناليستيكا فاكۋلتەتىنىڭ دەكانى نۇرجان قۋانتاي ۇلى دا قاتىسىپ، ءبىلىم ورداسى اتىنان قۇتتىقتاۋىن جەتكىزدى.

– ساعىمباي قاباش ۇلى - بارىمىزگە ورتاق تۇلعا. ءبىزدىڭ ۋنيۆەرسيتەتتە بۇل كىسىنىڭ ءدارىس بەرىپ جۇرگەنىنە، مىنە، 50 جىل بولادى. ونىڭ ۇستىنە «Almaty aqshamy» گازەتىن جاقسى بىلەمىن، بۇل جەردە 5 جىل بۇرىن ءوزىم دە قىزمەت ەتكەنمىن. شىعارماشىلىق كەڭەس ۇسىنىسىمەن وسىنداي كىتاپشا شىعارىپ جاتقان قۋانىشتارىڭىزبەن قۇتتىقتايمىن، – دەدى جۋرناليستيكا فاكۋلتەتىنىڭ دەكانى نۇرجان قۋانتاي ۇلى.

ول سونىمەن قاتار، ۋنيۆەرسيتەت اتىنان «Alataý اqparat» ۇجىمىنا ءال-فارابي بەينەلەنگەن كىلەمشە سىيلادى.

«Almaty-akshamۋ» №147 (6282) 13 جەلتوقسان، سەيسەنبى، 2022 جىل