بۇگىن مەن ءۇشىن ۇلكەن مەرەكە. سەبەبى، مەن جالپىحالىقتىق سايلاۋعا ءبىرىنشى رەت قاتىسىپ وتىرمىن. المالى اۋدانىنا قاراستى №90 سايلاۋ ۋچاسكىسىنە بارىپ قازاقستان رەسپۋبليكاسىنىڭ ازاماتى رەتىندە بۇگىن العاش رەت سايلاۋدا داۋىس بەردىم. ەڭ ءبىرىنشى بارعاندىقتان سىيلىققا يە بولدىم.
قاراپ وتىرسام قالا تۇرعىندارى سايلاۋ ۋچاسكەسىنە اعىلىپ كەلىپ جاتىر. بيۋللەتەن الۋ ءۇشىن بىزگە كەزەك كۇتۋگە تۋرا كەلدى. مەن دە ءبىرىنشى رەت ۋرناعا بيۋللەتەندى ءوز قولىممەن تاستادىم. ارينە، تولقىدىم. ومىرىمدە ءبىرىنشى رەت ءوز ەلىمنىڭ ساياسي ومىرىنە قاتىستىم دەپ ەسەپتەيمىن. سايلاۋ ۋچاسكىمدەگى قىزىمەتكەرلەرگە دە ەرەكشە العىسىمدى بىلدىرەمىن. بارلىعى دەرلىك جىلى شىرايمەن قارسى الىپ، تۇرعىندارعا جاقسى قىزمەت كورسەتۋدە.
كونستيتۋسيالىق رەفەرەندۋم – جالپىحالىقتىق دەڭگەيدە العاش وتكىزىلگەلى وتىر. مەملەكەتتىك باسقارۋ جۇيەسىن وزگەرتىپ، ەلدەگى ساياسي احۋالعا جاڭا دەم بەرەدى دەگەن سەنىمدەمىن.