ول وليمپياداعا كونكيمەن جۇگىرۋ سپورتىنان قاتىسۋدا.
بەيجىڭ وليمپياداسىندا جۇڭگو قۇرامى ساپىندا ونەر كورسەتىپ جاتقان اقنار ارداق قولداۋ كورسەتكەن قازاقستاندىقتارعا العىسىن ءبىلدىردى، دەپ حابارلايدى Almaty-akshamy.kz Turkystan.kz cىلتەمە جاساپ.
«قولداپ جاتقاندارىڭىزعا العىس ايتامىن. بۇگىن جاقسى سىرعاناپ شىقتىم. مەن شىڭجاڭ-ۇيعىر اۆتونوميالىق اۋدانىندا دۇنيەگە كەلدىم. 11 جاسىمنان باستاپ كونكي تەبەمىن. وتباسىم ءقازىر تەلەديداردان جارىسىمدى كورىپ وتىر. قازاقستاننان كەلگەن دوستارىمنىڭ جاقسى ناتيجەگە جەتۋىنە تىلەكتەسپىن»، – دەدى ول ءوز ۇندەۋىندە.
كونكيشى اقنار ارداق – شىڭجاڭ ولكەسىنىڭ تۋماسى. 2019 جىلعى جۇڭگو بىرىنشىلىگىنىڭ 5000 مەترلىك جارىسىندا التىن، 3000 مەتردە كۇمىس مەدال العان. حالىقارالىق جارىستارعا دا قاتىسىپ، جۇلدەگەرلەر قاتارىنان كورىنىپ ءجۇر. 2016 جىلى قىتايدىڭ ۇلتتىق قۇراماسىنا قابىلدانعان.
ەسكە سالايىق، بەيجىڭدەگى XXIV قىسقى وليمپيادا ويىندارىندا جۇڭگو اتىنان ءۇش قانداسىمىز قاتىسۋدا.