سوتتالعان بالالار وليمپيادا ويىندارىنىڭ جەڭىمپازدارىمەن كەزدەستى.
الماتىداعى بالالار كولونياسىنا پاريجدە وتكەن جازعى وليمپيادا ويىندارىنىڭ قولا جۇلدەگەرلەرى، قازاقستان رەسپۋبليكاسىنىڭ حالىقارالىق دارەجەدەگى سپورت شەبەرلەرى الەكساندرا لە جانە يسلام ساتپايەۆ بارىپ، جازالانعان بالالارمەن اڭگىمەلەستى، دەپ حابارلايدى aqshamnews.kz El.kz-rt cىلتەمە جاساپ.
الماتى قالاسى سپورت باسقارماسىنىڭ قولداۋىمەن ۇيىمداستىرىلعان كەزدەسۋدە وليمپيادا جۇلدەگەرلەرى وزدەرىنىڭ بالالىق شاقتارى مەن سپورت جولىنداعى جەتىستىكتەرى جايلى اڭگىمەلەپ، بالالاردىڭ سپورتقا بايلانىستى قويعان سۇراقتارىنا جاۋاپ بەردى.
قىلمىستىق-اتقارۋ جۇيەسى مەكەمەلەرىندەگى جاعدايدى ساۋىقتىرۋدىڭ 2023-2025 جىلدارعا ارنالعان جول كارتاسىن ىسكە اسىرۋ اياسىندا وتكىزىلگەن كەزدەسۋدىڭ ماقساتى – بالالاردىڭ سپورتقا دەگەن قۇلشىنىسىن ارتتىرىپ، قوعامعا تولىققاندى ازامات بولىپ ورالۋلارىنا كومەكتەسۋ.
كەزدەسۋ سوڭىندا مەكەمە اكىمشىلىگى كەلگەن قوناقتارعا العىسىن بىلدىرسە، سوتتالعان بالالار وزدەرى جاساعان بۇيىمدارىن سىيعا تارتتى.