وليمپيادا فورماسىنىڭ ديزاينىنا كونكۋرس جاريالاندى

فورما سالتاناتتى راسىمگە جانە جاتتىعۋعا كيۋگە ارنالعان بولۋ كەرەك.

كونكۋرس كەزىندە كەلىپ تۇسكەن جۇمىستاردى ارنايى كوميسسيا قۇرامى قاراپ، ورتاق شەشىم قابىلدايدى، دەپ حابارلايدى Almaty-akshamy.kz

پاريجدەگى جازعى وليمپياداعا ارنالعان قازاقستان ۇلتتىق قۇراماسىنىڭ كيىم فورماسى مەن وعان قوسىمشا كەرەك-جاراق جابدىقتاردىڭ ديزاين تۇجىرىمداماسىن ازىرلەۋگە ارنالعان اشىق كونكۋرس جاريالاندى.

جۇمىس توبىنىڭ قاتارىنا تۋريزم جانە سپورت مينيسترلىگى سپورت جانە دەنە شىنىقتىرۋ كوميتەتى، ق ر ۇلتتىق وليمپيادا كوميتەتى، قازاقستان سپورتشىلارى وداعىنىڭ وكىلدەرى، داڭقتى سپورتشىلار مەن ب ا ق قىزمەتكەرلەرى كىرەدى. بۇل تىزىمدە ەلدوس سمەتوۆ، سەرىك ساپييەۆ، ازامات داۋلەتبەكوۆ، ءجاميلا باقبەرگەنوۆا، ولگا رىپاكوۆا، ءابيبا ءابۋجاقىنوۆا، اننا اليابيەۆا، نۇربەك ورالباي، نۇرسۇلتان تۇرسىنوۆتار بار. كوميسسيا ءتوراعاسى – سپورتتى دامىتۋ ديرەكسياسىنىڭ ديرەكتورى ەرلان ەستەك.

كونكۋرس ەكى كەزەڭگە سوزىلادى جانە ءاربىر كەزەڭ جەڭىمپازى ەرەجە شارتتارىنا سايكەس، كوميسسيا وتىرىسىندا انىقتالادى.

كونكۋرس كەزەڭدەرى:

I كەزەڭدە كوميسسيا كونكۋرسقا قاتىسۋشىلار وتىنىشتەرىن، ماتەريالدارىن قابىلداپ، قارايدى (2024 جىلعى 28 اقپان 20:00-دەن 10 ناۋرىز ساعات 18:30 دەيىن).

ءىى كەزەڭدە كونكۋرس جەڭىمپازدارى انىقتالىپ، جاريالانادى (2024 جىلعى 13-15 ناۋرىز ارالىعى).

كونكۋرس ەرەجەسى مەن كوميسسيا قۇرامى جانە ۇوك كومانداسىنىڭ كيىم فورماسىنا قاتىستى ءبىرىڭعاي نۇسقاۋلىعىن وسى جەردەن قاراۋعا بولادى.