«ولگەندەر قايتىپ كەلمەيدى»

قازاق ادەبيەتىنىڭ كلاسسيگى بەردىبەك سوقپاقبايەۆتىڭ «ولگەندەر قايتىپ كەلمەيدى» رومانى تۇرىك تىلىنە اۋدارىلدى.

 بالالار ادەبيەتى اقساقالىنىڭ قالامىنان شىققان روماننىڭ تۇرىكشە نۇسقاسى 2000 دانامەن باسىلىپتى. تۇساۋكەسەرى الماتىداعى ۇلتتىق كىتاپحانادا ءوتتى، دەپ حابارلايدى Almaty-akshamy.kz 24.kz-كە سىلتەمە جاساپ.

روماندى تۇرىك جازۋشىسى حۋسەين ۆارول اۋدارعان. «ولگەندەر قايتىپ كەلمەيدى» – جاستىق شاعى سوعىستىڭ اۋىرتپالىعىمەن قاتار كەلگەن ادامداردىڭ ءومىرى تۋرالى شىعارما. جيىنعا تۇركسوي ۇيىمىنىڭ باس حاتشىسى، قازاق ادەبيەتىنىڭ وكىلدەرى قاتىستى. بيىل بەردىبەك سوقپاقبايەۆتىڭ تۋعانىنا 100 جىل تولادى. قالامگەردىڭ «مەنىڭ اتىم قوجا»، «بالالىق شاققا ساياحات»، «16 جاسار چەمپيون» سىندى شىعارمالارى دا وقىرمانعا ەتەنە تانىس. جازۋشىنىڭ ەڭبەكتەرى بۇگىنگە دەيىن الەمنىڭ 68 تىلىنە اۋدارىلعان. ال تۇرىك جازۋشىسى اۋدارماعا 2 جىل ۋاقىتىن جۇمساپتى.  

حۋسەين ۆارول، جازۋشى:

«الىستان التى جاسار بالا كەلسە، الپىستاعى قارت سالەم بەرەدى». بۇل – قازاقتا سالەمنىڭ ماڭىزدىلىعىن، ءداستۇرىن كورسەتەتىن ءسوز. تۇرىكتەردە دە سالەمدەسۋدىڭ ماعىناسى تەرەڭ. وسى سىندى ماقال-ماتەلدەردى، اۋىلدىڭ تۇرمىس-تىرشىلىگىنە بايلانىستى سوزدەردى اۋدارۋ قيىن بولدى. 

ۇلىقبەك ەسداۋلەت، تۇركسوي جازۋشىلار وداعىنىڭ ءتوراعاسى:

24 قازاندا بيىل تۋعان جەرى الماتى وبلىسىنىڭ مىناۋ رايىمبەك اۋدانىندا، نارىنقولدا كادىمگى حالىقارالىق دەڭگەيدەگى يۋنەسكو-نىڭ، تۇركسوي-دىڭ دەڭگەيىندەگى مەرەيتوي شارالارى وتكىزىلەدى. جالپى بەردىبەك سوقپاقبايەۆتىڭ 100 جىلدىق مەرەيتويى تۇركيادا باستالعان.