94 جاسىندا قازاق تاعامتانۋ اكادەمياسىنىڭ پرەزيدەنتى، بەلگىلى نۋتريسيولوگ تورەگەلدى شارمان ۇلى شارمانوۆ ومىردەن وزدى
دەنساۋلىق ساقتاۋ مينيسترلىگىنىڭ اتىنان جانە ءوز اتىمنان الەمدىك دەنساۋلىق ساقتاۋ سالاسىنىڭ اڭىزىنا جانە قازاقستاندىق مەديسينا ماقتانىشىنا اينالعان اكادەميك تورەگەلدى شارمانوۆتىڭ قايتىس بولۋىنا بايلانىستى قايعىرىپ كوڭىل ايتامىن.
تورەگەلدى شارمان ۇلىنىڭ ەلىمىزدىڭ دەنساۋلىق ساقتاۋ سالاسىنا قوسقان ۇلەسى جانە ونىڭ مەديسينالىق قوعامداستىققا عانا ەمەس، رەسپۋبليكانىڭ بارلىق ازاماتتارىنا كورسەتكەن كومەگى باعا جەتپەس بولىپ قالا بەرەدى.
ول بۇكىل ءومىرىن وتاندىق مەديسينانى دامىتۋعا ارنادى.
12 جىل بويى تورەگەلدى شارمان ۇلى دەنساۋلىق ساقتاۋ مينيسترلىگىن باسقارىپ، مەديسينالىق-سانيتاريالىق العاشقى كومەكتىڭ تەڭدەسى جوق جۇيەسىن قۇردى. 1974 جىلدان باستاپ ەلىمىزدىڭ جەتەكشى عىلىمي ۇيىمدارىنىڭ ءبىرى – قازاق تاعامتانۋ اكادەمياسىنىڭ تۇراقتى باسشىسى بولدى.
تورەگەلدى شارمان ۇلى الەۋمەتتىك-گۋمانيتارلىق سالاداعى ۇزدىك جەتىستىكتەرى جانە دەنساۋلىق ساقتاۋدى دامىتۋعا قوسقان زور ۇلەسى ءۇشىن بەرىلگەن قازاقستان رەسپۋبليكاسىنىڭ ەڭ جوعارى دارەجەلى ەرەكشەلىك بەلگىسى - ەڭبەك ەرى اتاعىن، سونداي-اق دۇنيەجۇزىلىك دەنساۋلىق ساقتاۋ ۇيىمىنىڭ ەڭ جوعارى دارەجەلى ەرەكشەلىك بەلگىسى - لەون بەرنارد سىيلىعىن قوسا العاندا كوپتەگەن ماراپاتتارعا يە بولدى، بۇل ونىڭ حالىقارالىق ارەناداعى ايرىقشا ەڭبەگىن كورسەتەدى.
اكادەميك شارمانوۆ تورەگەلدى شارمان ۇلىنىڭ ەسىمى مەديسينا تاريحىنا التىن ارىپتەرمەن جازىلعان جانە بولاشاق ۇرپاق ءۇشىن ۇلگى بولادى.
دەنساۋلىق ساقتاۋ مينيسترلىگى اكادەميك شارمانوۆتىڭ وتباسىمەن، ارىپتەستەرىمەن جانە دوستارىمەن بىرگە قايعىرادى. ۇلى ادام، دارىگەر، ءمۇعالىم جانە ناعىز پاتريوت تۋرالى جارقىن ەستەلىك ءبىزدىڭ جۇرەگىمىزدە ماڭگى قالادى.
قازاقستان رەسپۋبليكاسىنىڭ دەنساۋلىق ساقتاۋ ءمينيسترى اقمارال ءالنازاروۆا