بياتلوننان الەم چەمپيوناتى ءوتىپ جاتىر. ادامنىڭ ازارتىن اسقىندىراتىن جاقسى سپورت ءتۇرى. ايتپاعىمىز - قازاق سپورت كوممەنتاتورلارىنا تەرمينولوگيالىق تۇرعىدا ۇسىنىس. بياتلوندا «گونكا پرەسلەدوۆانيا» دەگەن جارىس ءتۇرى بار. وسى اتاۋدى ءبىزدىڭ كوممەنتاتورلار رەپورتاج بارىسىندا «ءىز كەسۋ» دەپ ءجۇر.
شاماسى، بۇل جارىستىڭ قازاقشا اتاۋى «ءىز كەسۋ» بولۋى مۇمكىن ەمەس. ءىز كەسۋ - ءىز اڭدۋ، ىزدەۋ، ءىز باعۋ دەگەن تۇسىنىكتى بىلدىرەدى. شاڭعىمەن كوز الدىڭدا جۇگىرىپ بارا جاتقان بياتلونشىنى قالاي ىزدەيسىڭ؟ ول كوپە-كورنەۋ جۇگىرىپ بارا جاتقان جوق پا؟
بۇل ورىستىڭ «سلەد» دەگەن سوزىنەن كالكا اۋدارما: ورىسشا «گونكا پرەسلەدوۆانيا» بولعان سوڭ، ءبىزدىڭ جىگىتتەر «ءىز» ءسوزىنىڭ ىزىمەن «ءىز كەسۋ» دەگەن ءمانى تەرىس اۋدارما جاساپ العان سياقتى.
ۇمىتپاسام، بۇدان تورت-بەس جىل بۇرىن بياتلوننان رەپورتاج جۇرگىزىپ جۇرگەن سول كەزدەگى جىگىتتەرگە ءوز اۋدارما نۇسقامدى ۇسىنعان ەدىم.
قىسقاسى، «گونكا پرەسلەدوۆانيا» دەگەن تىركەستى «وكشەلەي قۋۋ» دەپ اتاعان ءجون سياقتى». ءتىپتى سىزدەرگە ورىستىڭ «سلەد» دەگەن ءسوزى اۋاداي قاجەت بولىپ بارا جاتسا، «ىزبەن قۋۋ» نەمەسە «ىزبەن جۇگىرۋ» دەۋگە بولادى.
قالاي بولعاندا دا، «ءىز كەسۋ» دەگەن تىركەس بياتلونداعى بۇل جارىس ءتۇرىنىڭ مازمۇندىق ءمان-جايىن اشىپ تۇرعان جوق.