مەكتەپ باسشىلىعى بالالاردىڭ قانداي ويىن وينايتىنىن باقىلاۋعا كەڭەس بەردى.
ولار مازمۇنى اتا-انالارعا كورىنە بەرمەيتىن، ءموبيلدى قوسىمشالاردا جاسىرىلعان شاعىن ويىندار بولۋى مۇمكىن، دەپ حابارلايدى aqshamnews.kz
"ماسەلەن، Telegram جانە TikTok الەۋمەتتىك جەلىلەرىنەن "بىزبەن وينا!” دەگەن شاقىرتۋلار كەلۋى ىقتيمال. مۇنداي ۇندەۋلەردى Ozon-دا ساتىلاتىن 18+ كىتاپتاردان دا تابۋعا بولادى. بۇلاردىڭ ەڭ ءقاۋىپتىسى: "تيحيي دوم"، "رازبۋدي مەنيا ۆ 4:20"، "مورە كيتوۆ"، "سينيي كيت"، "كراسنىي دەلفين "، "ملەچنىي پۋت"، "U19"، "F57"، " SchoolBoy RunaWay -Stealth"، - دەلىنگەن حابارلامادا.
سونداي-اق مەكتەپ باسشىلىعى بالالاردىڭ قانداي ويىن وينايتىنىن باقىلاۋعا كەڭەس بەردى:
كونتەنتتى باقىلاۋعا الۋ. بالاڭىز وينايتىن ويىندى تەكسەرىڭىز. بالانىڭ جاسىنا ساي كەلەتىنىن انىقتاۋ ءۇشىن رەينتينگىن قاراپ، شولۋ جاساڭىز؛
ەرەجە ورناتىڭىز. بالاڭىزبەن قاي ويىندى ويناۋعا بولمايتىنىن تالقىلاڭىز. ويىنعا شەكتەن تىس بەرىلمەۋى ءۇشىن ۋاقىتپەن شەكتەۋ قويىڭىز؛
سىني ويلاۋىن دامىتىڭىز. بالانى ويىن مازمۇنىن تالداۋعا ۇيرەتىڭىز. ويىندا كورسەتىلگەننىڭ ءبارى شىنايى ومىردە بولمايتىنىن جانە ءقاۋىپسىز ەمەس ەكەنىن ءتۇسىندىرىڭىز؛
بىرگە ويناڭىز. بۇل ولاردىڭ قانداي ويىن وينايتىنىن جاقسى تۇسىنۋگە جانە ءقاۋىپتىڭ الدىن الۋعا كومەكتەسەدى؛
مىنەز-قۇلقىنا ءمان بەرىڭىز. بالاڭىز ويىننان سوڭ اشۋشاڭ ءارى تۇيىق بولا باستاسا، ويناپ جۇرگەن ويىندارىن اۋىستىرىڭىز؛
اتا-انا باقىلاۋىن قولدانىڭىز. قاجەتسىز ءارى ورىنسىز ويىندار مەن كونتەنتكە تەلەفونداعى اتا-انا باقىلاۋىن ورناتىڭىز؛
باسقا بالالاردىڭ اتا-اناسىمەن تالقىلاڭىز. ولار قانداي ويىنداردى ءقاۋىپسىز دەپ سانايدى، سونى ءبىلىڭىز.