قازاقستان رەسپۋبليكاسى پارلامەنتى ءماجىلىسىنىڭ زاڭناما جانە سوت-قۇقىقتىق رەفورما كوميتەتىنىڭ مۇشەسى ءۇنزيلا شاپاق الەۋمەتتىك جەلىدە ويىن بيزنەسى ماسەلەلەرى تۋرالى زاڭعا قاتىستى ۇسىنعان تۇزەتۋلەر حاقىندا جازدى، دەپ حابارلايدى اlmaty-akshamy.kz.
"قۇرمەتتى، مەنىڭ ساۋلەلى وقىرماندارىم!
مەنىڭ وقىرماندارىمنىڭ اراسىنان لۋدومانيا بويىنشا سۇراق كوتەرەتىندەر از ەمەس.
ويىنقۇمارلىققا ۇشىراعان ادامدار اينالاسىنداعى بارلىق جاقىندارىنا پروبلەما تاۋىپ بەرەدى.
وسى زاڭ جوباسىنا ءبىرشاما تۇزەتۋلەر ۇسىندىم"،- دەپ جازدى ءماجىلىس دەپۋتاتى.
ەندى ويىنحاناعا كىرۋگە 10 جىلعا تىيىم سالۋعا بولادى. ونلاين مۇمكىندىك بار
ءوزىن-وزى شەكتەيتىن تۇلعالارعا ارنالعان زاڭ قۇمار ويىندارعا قاتىسۋدى ءوزىن-وزى شەكتەۋدىڭ ەڭ جوعارى مەرزىمىن 1 جىلدان 10 جىلعا دەيىن ۇلعايتادى.
تىيىم سالۋدى ەرتەرەك توقتاتۋ مۇمكىن بولمايدى. زاڭمەن سونداي اق بورىشكەرلەردىڭ ءبىرىڭعاي تىزىلىمىنە ەنگىزىلگەن جەكە تۇلعالارعا قۇمار ويىندارعا قاتىسۋعا جانە ءباس تىگۋگە تىيىم سالۋ قوسىمشا انىقتالادى، ولاردىڭ سانى شامامەن 3،5 ميلليون ادام.
وسىلايشا، قابىلدانعان شارالار بۋكمەكەرلىك كەڭسەلەردىڭ الەۋەتتى كليەنتتەرىنىڭ سانىن ازايتۋعا باعىتتالعان. سونىمەن بىرگە، جوعارىدا اتالعان تۇلعالاردى قۇمار ويىندار مەن ءباس تىگۋگە تارتقانى جانە جىبەرگەنى ءۇشىن زاڭدى تۇلعالاردىڭ اكىمشىلىك جاۋاپكەرشىلىگى ەنگىزىلگەن.
زاڭ نورمالارىنا سايكەس، مەملەكەتتىك قىزمەتكەرلەرگە قۇمار ويىنداردىڭ كەز كەلگەن قىزمەتى – بۋكمەكەرلىك كەڭسەلەر، كازينولار جانە ونلاين كازينولار شەكتەلەتىن بولادى. وسىلايشا، جالپى سانى 280 مىڭعا جۋىق ادامدى قۇرايتىن اسكەري قىزمەتكەرلەر، مەملەكەتتىك مەكەمە قىزمەتكەرلەرى، بيۋدجەتتىك ۇيىمداردىڭ باسشىلارى قۇمار ويىندارعا قاتىسا المايدى.
زاڭدى بۇزعان جاعدايدا ولارعا قاتىستى كەلەڭسىز سەبەپتەرمەن جۇمىستان بوساتۋعا دەيىنگى قاتاڭ شارالار قولدانىلاتىن بولادى.
ويىن بيزنەسىن ۇيىمداستىرۋشىلارعا ارنالىپ ويىن مەكەمەلەرىندە جانە وزدەرىنىڭ ينتەرنەت-رەسۋرستارىندا قۇمار ويىندارعا قاتىسۋدىڭ جانە ءباس تىگۋدىڭ قاۋىپتىلىگى مەن زيانى تۋرالى ەسكەرتۋلەردى ورنالاستىرۋعا مىندەتتەمە ەنگىزىلۋدە.
زاڭ ويىن مەكەمەلەرىنىڭ، بۋكمەكەرلىك كەڭسەلەردىڭ نەمەسە لوتەرەيالاردىڭ جۇمىسىنىڭ تيپتىك ەرەجەلەرىن قابىلداۋدى كوزدەيدى. تيپتىك ەرەجەلەردە كازينو مەن بۋكمەكەرلىك كەڭسەلەر كليەنتتەرىنىڭ مۇددەلەرىن قورعايتىن نورمالار كوزدەلەتىن بولادى.
زاڭمەن قۇمار ويىندارعا تاۋەلدى ادامداردى مەديسينالىق وڭالتۋ ءتارتىبى دە انىقتالعان. وسىلايشا، مەديسينالىق قۇپيانى ساقتاي وتىرىپ، قۇمار ويىندارعا تاۋەلدى ادامدارعا كونسۋلتاتيۆتىك باقىلاۋ ديناميكالىق تىركەۋسىز ەنگىزىلۋدە.
زاڭنىڭ ماڭىزدى جاڭالىقتارىنىڭ ءبىرى – 21 جاسقا تولماعان تۇلعالارعا ەنەرگەتيكالىق سۋسىنداردى ساتۋعا تىيىم سالۋ. وسىلايشا، بۇل نورما بالالاردى ەنەرگەتيكالىق سۋسىنداردىڭ زياندى اسەرىنەن قورعاۋعا مۇمكىندىك بەرەدى.
زاڭ بايلانىس وپەراتورلارىنا قۇمار ويىندار مەن ءباس تىگۋگە ارنالعان جارنامانى قامتيتىن حابارلامالاردى جىبەرۋگە تىيىم سالادى.
بۋكمەكەرلىك كەڭسەنىڭ نەمەسە توتاليزاتوردىڭ ورنالاسقان جەرىندە، سپورت قۇرىلىستارىنىڭ ىشىندە جانە سپورتشىلاردىڭ جابدىقتارىندا ورنالاستىرىلعانداردى قوسپاعاندا، عيماراتتاردا، كولىك قۇرالدارىندا بۋكمەكەرلىك كەڭسەلەر مەن توتاليزاتورلار عيماراتتارىنىڭ سىرتقى جارناماسىنا تىيىم سالىنادى.
باق-تا سپورتتىق تاقىرىپتاعى، سونداي-اق وتاندىق تەلەارنالاردىڭ حالىقارالىق سپورت جارىستارىن تىكەلەي ترانسلياسياسى كەزىندەگى جارنامانى قوسپاعاندا، بۋكمەكەرلىك كەڭسەلەر مەن توتاليزاتورلاردى بۇقارالىق اقپارات قۇرالدارىندا، كينو، بەينە جانە انىقتامالىق قىزمەتتەردە جارنامالاۋعا تىيىم سالىنادى. بۋكمەكەرلىك كەڭسەلەردىڭ جارناماسىن تاراتقان جاعدايدا 60 اەك جانە ودان جوعارى ايىپپۇلدار قاراستىرىلعان.
سونداي-اق، تۋريزم جانە سپورت مينيسترلىگىنىڭ شەتەلدىك بۋكمەكەرلىك كەڭسەلەردىڭ، ليسەنزياسى جوق توتاليزاتورلاردىڭ، ينتەرنەت-كازينولاردىڭ ءتىزىمىن جۇرگىزۋ، سونداي-اق بانكتەر مەن تولەم ۇيىمدارىنىڭ ولاردىڭ پايداسىنا قارجىلىق وپەراسيالاردى جۇرگىزۋىنە تىيىم سالۋ قۇزىرەتىن بەلگىلەيدى. سونىمەن بىرگە، ەندى ونلاين-كازينو ۇيىمداستىرۋشىلارىنا ەكى جىلعا دەيىن باس بوستاندىعىنان ايىرىلۋمەن قىلمىستىق جاۋاپكەرشىلىككە تارتىلۋ ءقاۋپى بار.
ايتا كەتەتىن ءجايت، زاڭعا سايكەس، ەلەكتروندى لوتەرەيا بيلەتتەرى تەك رەسمي ينتەرنەت-رەسۋرس نەمەسە لوتەرەيا وپەراتورىنىڭ ءموبيلدى قوسىمشاسى ارقىلى ساتىلادى. وسىلايشا، «Lotomatic» تەرمينالدارى مەن لوتو كلۋبتارىنىڭ قىزمەتىنە تىيىم سالىندى.
مۇنىمەن قوسا، لوتەرەيا بيلەتتەرىن تۇرعىن ۇيلەردە، جاتاقحانالاردا، ۇيىمداردا، ءبىلىم بەرۋ، دەنساۋلىق ساقتاۋ، ءدىني عيماراتتارى مەن قۇرىلىستاىنردا، سونداي-اق ءبىلىم بەرۋ جانە دەنساۋلىق ساقتاۋ ۇيىمدارىنان ءجۇز مەتر راديۋستا تاراتۋعا تىيىم سالىنادى.
بۇل شارالار كوشەلەردە لوتەرەيا ونىمدەرىنىڭ فيزيكالىق تۇرعىدان بولۋىن بىرنەشە ەسەگە ازايتادى. كوشەدە تەك كلاسسيكالىق لوتەرەيالاردى ساتاتىن نۇكتەلەر قالادى.