ءابىلحان قاستەيەۆ اتىنداعى ق ر مەملەكەتتىك ونەر مۋزەيى Truffle Bee برەندىنەن Säule ارت-ينستالياسياسى: ۇلتتىق ويۋلار ارقىلى ۇرپاق اراسىنداعى بايلانىستى زەرتتەۋ كورمەسىن ۇسىنىپ وتىر.
Säule («ساۋلە»، «جارىق») – توپتاماسى ەلىمىزدىڭ بىرەگەي مادەني مۇراسىنىڭ ۇنىنە قۇلاق تۇرىلە وتىرىپ جاسالعان. Truffle Bee برەندىنىڭ العاشقى ۇلتتىق توپتاماسى – بۇل ءداستۇرىمىزدى ۆيزۋالدى زەرتتەۋ، تەرەڭ تاريحى بار ويۋ-ورنەكتەرىمىز بۇگىنگى كۇن مەن وتكەن، كەلەر شاقتى بايلانىستىرا، جاڭا كەيپىنە ەنۋىنىڭ ينتەرپرەتاسياسى. Truffle Bee ءوز توپتاماسىنا ايرىقشا ورنەكتەردى ىزدەستىرۋ بارىسىندا اتا-بابالارىمىزدان مۇرا بولىپ قالعان قازاقتىڭ ءداستۇرلى ورنامەنتتەرىن زەرتتەگەن بولاتىن.
ەلىمىزدىڭ ءداستۇرلى ويۋ-ورنەكتەرىن زەرتتەۋدە ەرلان كاريننىڭ ەڭبەكتەرىندەگى جەتى جۇزدەن استام ءداستۇرلى كەسكىندەر، تۇركىستانداعى قوجا احمەت ياسساۋي كەسەنەسىندەگى ويۋلار، سونداي-اق ءابىلحان قاستەيەۆ اتىنداعى ونەر مۋزەيى مۋزەيىنىڭ تاريحي مۇراعاتتارى زەردەلەندى. وسىلايشا برەند «Qoshqar muiiz» ورنەگىن تاڭدادى. قازاق ويۋلارىنىڭ العاشقى ەلەمەنتى بولىپ ەسەپتەلەتىن ورنەك، بۇگىندە Säule توپتاماسىنىڭ بارلىق بۇيىمدارىن – تەرى پلەيسمات، كوستەر مەن تەكستيل داستارحاندى بەزەندىرەدى.
توپتامانى تانىستىرۋ ءۇشىن ءا.قاستەيەۆ مۋزەيى تاڭدالعان. مۋزەيدەگى جادىگەردىڭ قانداي بولۋىن شەشۋدە برەند «جەتى اتا» داستۇرىنە جۇگىندى. قازاق مادەنيەتىندە جەتى اتاسىن ءبىلۋ ءار ادامنىڭ بابالار دانالىعىمەن تىعىز تىلدەسۋىنە تەڭ. بۇل ءبىزدىڭ ءومىر سالتىمىزدى قۇرۋ مەن رۋحاني دامۋىمىزدىڭ نەگىزى. بۇگىن برەند «جەتى اتا» ءداستۇرىن اعاشتىڭ سيمۆوليكالىق تۇرعىسىنان قاراستىرۋدا. تاريحقا تولى جەرىمىزگە تامىرىن تەرەڭ جىبەرگەن اعاش – بۇل بۇگىنگى كۇن مەن وتكەن، كەلەر شاقتىڭ بايلانىسى.
Truffle Bee ۇسىنعان Säule كورمەسى ونەر مۋزەيىندەگى ساندىك-قولدانبالى ونەر زالىندا 30 ناۋرىزعا دەيىن جالعاسادى.