ەو-دا كوروناۆيرۋسكە قارسى بەسىنشى ۆاكسينا ماقۇلداندى
ەۋروپالىق دارى-دارمەك اگەنتتىگى (EMA) ەۋروپالىق وداقتا امەريكالىق Novavax فارماسيەۆتيكالىق كونسەرنى شىعارعان كوروناۆيرۋسقا قارسى ۆاكسينانى قولدانۋعا رۇقسات بەردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«Nuvaxovid دەپ اتالاتىن ۆاكسينا 18 جاستان اسقان ەرەسەكتەرگە ۇسىنىلادى»، - دەيدى اگەنتتىك. وسى ۆاكسينانىڭ سىناقتارىنان الىنعان دەرەكتەردى مۇقيات باقىلاۋدان كەيىن ساراپشىلار پرەپارات سەنىمدى جانە تيىمدىلىك، قاۋىپسىزدىك جانە ساپا بويىنشا قاجەتتى تالاپتارعا سايكەس كەلەدى دەگەن قورىتىندىعا كەلدى. بۇل ەۋروپالىق وداقتا كوروناۆيرۋسقا قارسى قولدانىلاتىن بەسىنشى ۆاكسينا جانە اقۋىز نەگىزىندەگى ءبىرىنشى ۆاكسينا بولادى.