الماتىدا قازاقستان ۆولەيبول فەدەراسياسىنىڭ (قۆف) ەسەپتىك-سايلاۋ كونفەرەنسياسى ءوتتى، وندا 2024-2028 جىلدار ارالىعىنا ۇيىمنىڭ جاڭا پرەزيدەنتى بولىپ ءمادي تاكييەۆ سايلاندى. ول بۇل قىزمەتتە نۇرتاي ابىقايەۆتى اۋىستىردى.
ءوز سوزىندە قۆف-تىڭ جاڭا باسشىسى دەلەگاتتارعا سەنىم ارتقانى ءۇشىن العىس ءبىلدىرىپ، نۇرتاي ابىقايەۆقا فەدەراسيانىڭ قۇرمەتتى پرەزيدەنتى جانە قۆف-تىڭ قامقورشىلىق كەڭەسىنىڭ ءتوراعاسى بولۋدى ۇسىندى.
سونداي-اق، ءمادي تاكييەۆ قاسىم-جومارت توقايەۆتىڭ ەلىمىزدەگى سپورتتى قارجىلاندىرۋ ساياساتىن قايتا قاراۋدى تاپسىرعانىن ەسكە سالدى. اتاپ ايتقاندا، كلۋبتار مەن فەدەراسيالار دەمەۋشىلىك قورىن بەلسەندى تۇردە قالىپتاستىرىپ، قازاقستاننىڭ ەڭ شالعاي اۋداندارىندا بۇقارالىق سپورتتى دامىتۋعا باسا نازار اۋدارىپ، سونداي-اق ءوز سپورتشىلارىن دايارلاۋدى كۇشەيتۋى قاجەت ەكەنىن اتاپ ءوتتى.