ق ر تۇڭعىش پرەزيدەنتى نۇرسۇلتان نازاربايەۆ رەفەرەندۋم جايلى ويىمەن ءبولىستى.
قازاقستاننىڭ تۇڭعىش پرەزيدەنتى نۇرسۇلتان نازاربايەۆ بەلگىلى ساياساتتانۋشى دانيار اشىمبايەۆقا بەرگەن سۇحباتىندا وسىلاي دەدى. سۇحبات بارىسىندا نازاربايەۆ كونستيتۋسياعا تۇزەتۋلەر ەنگىزۋ بويىنشا بۇكىلحالىقتىق رەفەرەندۋمعا باراتىنىن جەتكىزدى. سونىمەن قاتار بۇل ۋاقىت تالابى بولسا جانە قوعامنىڭ ىلگەرىلەۋىنە، دەموكراتيالىق دامۋىنا ىقپال ەتسە، ءار ۇرپاقتىڭ نەگىزگى زاڭعا وزگەرىستەر ەنگىزۋگە قۇقىعى بار دەپ سانايتىنىن ايتتى.
"مەملەكەت باسشىسى قاسىم-جومارت توقايەۆتىڭ ەلدە رەفورما جۇرگىزۋ جانە دامىتۋ جونىندەگى ءىس-قيمىلىن ودان ءارى قولداۋعا دايىنمىن"، - دەدى نۇرسۇلتان نازاربايەۆ.