بايقوڭىر قالاسىندا قازاقستاندىق ازاماتتار ءۇشىن 50 پاتەرلى 5 تۇرعىن ءۇيدىڭ قۇرىلىسى جۇرگىزىلۋدە، دەپ حابارلايدى Almaty-akshamy.kz Inform.kz-كە سىلتەمە جاساپ.
بۇل قۇرىلىس «نۇرلى جەر» باعدارلاماسى شەڭبەرىندە قولعا الىنعان. ولاردىڭ جالپى اۋدانى - 15 372،6 شارشى مەتر. ايتا كەتسەك، بايقوڭىردا 2019 جىلى اتالعان باعدارلاما اياسىندا 50 پاتەرلى 5 تۇرعىن ۇيلەر پايدالانۋعا بەرىلگەن. سونداي-اق، الداعى ۋاقىتتا جەكە ينۆەستورلار ارقىلى بالاباقشالار سالۋ ماسەلەسىن قارالۋدا. بۇل وندا ورىن جەتىسپەۋشىلىگىن بولدىرماۋعا جول اشادى. وبلىس باسشىلىعى تاراپىنان وعان ىنتالى كاسىپكەرلەردى قولداۋ ماسەلەسى قاراستىرىلۋدا.
الداعى ۋاقىتتا بايقوڭىر قالاسىنداعى جىلۋ-ەلەكتر ستانسياسى گازعا قوسىلادى. بۇعان بايلانىستى قالا اكىمشىلىگى قاجەتتىلىكتى ەسكەرە وتىرىپ ءتيىستى شارالاردى قابىلدادى. ءقازىر بايقوڭىردا 75 مىڭنان استام ادام تۇرادى. ونىڭ 66 پروسەنتتەن استامى — قازاقستاندىقتار.