مەملەكەت جانە قوعام قايراتكەرى، اقىن نۇرلان ورازالين ءوتىپ جاتقان سايلاۋدىڭ ەرەكشەلىگىن اتاپ ءوتتى، دەپ حابارلايدى Almaty-akshamy.kz.
«بۇل جولعى سايلاۋ ەرەكشە جاۋاپكەرشىلىكتى ارقالاپ ءوتىپ وتىر. ولاي دەيتىنىم، الەم تىنىشسىز. وسىنداي قيىن-قىستاۋ كەزەڭدە ەلدىڭ ىرگەسىن ساقتاۋ ءۇشىن، حالقىمىزدىڭ ىشكى تاتۋلىعى مەن بىرلىگىن قامتاماسىز ەتۋ ءۇشىن ءارى جاڭا داۋىردە جاڭا قازاقستاننىڭ شاڭىراعى شايقالماۋى ءۇشىن ءبىز ءوزىمىزدىڭ ازاماتتىق قۇقىعىمىزدى پايدالانىپ، داۋىس بەرۋىمىز كەرەك. ۇلتقا، ۇرپاققا، حالىققا سىن دەپ ويلايمىن. مىنە، وسى سەبەپتى مەن العاشقىلاردىڭ ءبىرى بولىپ داۋىس بەرىپ قايتتىم. باسىمىزدان بەرەكە كەتپەسىن! وتانداستارىمدى داۋىس بەرۋگە شاقىرامىن!» - دەدى اقىن.