2022 جىلدىڭ 18 قاراشاسىندا ق ر پرەزيدەنتتىگىنە جالپىۇلتتىق سوسيال-دەموكراتيالىق پارتياسى اتىنان كانديدات نۇرلان اۋەسبايەۆ رەسپۋبليكالىق سايلاۋالدى شتاب كەڭسەسىندە بۇقارالىق اقپارات قۇرالدارىنىڭ قاتىسۋىمەن كەزدەسۋ وتكىزدى، دەپ حابارلايدى Almaty-akshamy.kz.
كەزدەسۋ بارىسىندا سايلاۋالدى كامپانيانىڭ قورىتىندىلارى شىعارىلدى.
كامپانيا شەڭبەرىندە قازاقستاننىڭ بارلىق وبلىستارىندا ايماقتىق سايلاۋالدى شتابتارى اشىلعانى مالىمدەلدى.
كانديداتتىڭ سايلاۋشىلارمەن جەكە، سونىمەن بىرگە ەڭبەك جانە وزگە ۇجىمدارىنداعى كەزدەسۋلەرى سەكىلدى ۇگىت-ناسيحات شارالارى وتكىزىلدى.
ودان بولەك ەلوردادا نۇرلان اۋەسبايەۆتىڭ قاتىسۋىمەن تىعىز قۇرىلىسقا قارسى ميتينگ وتكىزىلدى.
باق-تا ۇگىت-ناسيحات جۇمىستارى جۇرگىزىلدى. رەسپۋبليكالىق جانە ايماقتىق تەلەارنالاردا ۇگىت-ناسيحات روليكتەرى كورسەتىلدى. 3 تانىمال راديوستانسيادا ۇگىت-ناسيحات اۋديوروليكتەر ويناتىلدى.
جۇمىس بارىسىندا مەملەكەت بويىنشا تاراتىلعان بيلبورد، پلاكات، ءۇنپاراق سەكىلدى كورنەكى ۇگىت-ناسيحات ادىستەرى بەلسەندى پايدالانىلدى.
رەسپۋبليكالىق جانە ايماقتىق باسپاسوزدە سايلاۋالدى باعدارلاما، كانديداتتىڭ جانە ونىڭ سەنىمدى وكىلدەرىنىڭ سۇحباتتارى، اۋەسبايەۆ جونىندە ماقالالار جاريالاندى.
ق ر پرەزيدەنتتىگىنە جالپىۇلتتىق سوسيال-دەموكراتيالىق پارتياسى اتىنان كانديدات نۇرلان اۋەسبايەۆ ءوز كەزەگىندە سەنىمدى وكىلدەرىنە، شتاب مۇشەلەرىنە، پارتيا بەلسەندىلەرى مەن ۆولونتەرلارعا اتقارعان جۇمىستارى ءۇشىن العىسىن ءبىلدىردى.
نۇرلان اۋەسبايەۆ ۇگىت-ناسيحات كامپانياسى وتە جوعارى دەڭگەيدە وتكىزىلدى دەپ سانايدى.