قازاقستاننىڭ ەڭبەك سىڭىرگەن قايراتكەرى، قازاقستاندىق ءانشى، تەلەجۇرگىزۋشى نۇرلان ابدۋللين قازاقستاندا اتوم ەلەكتر ستانسياسىن (اەس) سالۋ جونىندەگى رەفەرەندۋمدا داۋىس بەردى. ارتيست №17 مەكتەپ-ينتەرناتتا ورنالاسقان № 387 سايلاۋ ۋچاسكەسىنە باردى.
«مەنىڭ ويىمشا، ەلدىڭ بىرلىگى ءبىزدىڭ قولىمىزدا. بۇگىن ءبىزدىڭ ازاماتتار كەلىپ داۋىس بەرىپ، وزدەرىنىڭ پىكىرىن ءبىلدىرىپ جاتىر. بۇل ەلىمىزدىڭ جانە ءبىزدىڭ ۇرپاقتىڭ بولاشاعى ءۇشىن ۇلكەن شەشۋشى ءسات»، - دەدى نۇرلان ابدۋللين.
ەستەرىڭىزگە سالا كەتەيىك، بۇگىن قازاقستان اۋماعىندا اەس سالۋ جونىندەگى رەسپۋبليكالىق رەفەرەندۋم ءوتىپ جاتىر. الماتىلىقتار تۇرعىلىقتى جەرى بويىنشا سايلاۋ ۋچاسكەلەرىنە بارىپ، ساعات 20.00-گە دەيىن داۋىس بەرە الادى.