«وكىنىشكە قاراي، قالامىزدىڭ سوڭعى ۋاقىتتاعى ەپيداحۋالىنىڭ ناشارلاۋىنا بايلانىستى جاقسى كورەتىن مەرەكەمىزدى ويداعىداي اتاپ وتە المايتىن بولدىق»
بۇگىن الماتى قالاسى وڭىرلىك كوممۋنيكاسيالار قىزمەتىنىڭ الاڭىندا «استانا كۇنىنە وراي الماتىدا وتكىزىلەتىن ءىس-شارالار» تاقىرىبىنداعى ونلاين كونفەرەنسياعا قاتىسقان الماتى قالاسى بويىنشا قازاقستان حالقى اسسامبلەياسى ءتوراعاسىنىڭ ورىنباسارى نۋريا نيازوۆا وسىلاي دەدى، دەپ حابارلايدى Almaty-akshamy.kz
سپيكەردىڭ ايتۋىنشا، الماتىدا 37 ەتنومادەني بىرلەستىك بار ەكەن.
«اسسامبلەيا بۇل مەرەكەنى كەڭ كولەمدە اتاپ وتەتىن ەدى. ءبىز ءار ءتۇرلى ۇلتتىڭ ءسالت-داستۇرىن كورسەتىپ، مەرەكەنىڭ ءسانىن كىرگىزەر ەدىك. وكىنىشكە قاراي، ءقازىر تىم قاتتى شەكتەۋ بولىپ وتىر. سوعان بايلانىستى «دوستىق» ۇيىنەن تىكەلەي تولقىندا ونلاين كونفەرەنسيالار وتكىزەمىز، ودان باسقا قايىرىمدىلىق جۇمىستارىمەن اينالىسىپ جاتىرمىز» ، - دەدى نۋريا نيازوۆا.