بوكسشى جەرلەستەرىنىڭ كورسەتكەن زور قۇرمەتى مەن قوشەمەتىنە العىس ءبىلدىردى.
پاريج وليمپياداسىنىڭ كۇمىس جۇلدەگەرى نۇربەك ورالبايعا جامبىل وبلىسىنىڭ اكىمى ەربول قاراشوكەيەۆ كولىك كىلتىن تابىس ەتتى، دەپ حابارلايدى aqshamnews.kz
«نۇربەك ەل سەنىمىن اقتاپ، بارشا قازاقستاندىقتاردىڭ، جانكۇيەرلەرىنىڭ مەرەيىن اسىردى. اسىرەسە، كىندىك قانى تامعان جامبىل وبلىسى جۇرتشىلىعىنىڭ ابىرويىن تاعى دا ءبىر اسقاقتاتا ءبىلدى. اۋليەاتا توپىراعى – ۇلت گەنوفونىنىڭ قۋاتىن ايقىنداعان ايرىقشا ولكە. قازاق ەلىن الەم الدىندا پاش ەتكەن سايىپقىرانداردىڭ دەنى جامبىل وبلىسىنىڭ توپىراعىنان تۇلەپ شىققان. جامبىل – چەمپيوندار ولكەسى، مىقتى باپكەرلەردىڭ ۇستاحاناسى دەسەك، ارتىق ايتپايمىن»، -دەدى اكىم.
ەربول قاراشوكەيەۆ وليمپيادا ويىندارىنىڭ كۇمىس جۇلدەگەرىنە دەمەۋشىلەردىڭ ەسەبىنەن Hyundai Sonata اۆتوكولىگىنىڭ كىلتىن تابىستادى.