بۇل تۋرالى جەڭىس قاسىمبەك Instagram پاراقشاسىنا جازدى.
دەمەۋشىلەر ەسەبىنەن نۇربەك ورالبايعا Land Rover Defender اۆتوكولىگىنىڭ كىلتى، ال جاتتىقتىرۋشىسىنا 10 ملن تەڭگەنىڭ سەرتيفيكاتى تابىس ەتىلدى، دەپ حابارلايدى aqshamnews.kz
«پاريجدە وتكەن وليمپيادا ويىندارىنىڭ كۇمىس جۇلدەگەرى نۇربەك ورالبايمەن جانە ونىڭ جاتتىقتىرۋشىسى اسقار ەركەبايەۆپەن كەزدەستىم. نۇربەك ورالباي ەلىمىزدىڭ ءارى قالامىزدىڭ اتىنان سىنعا ءتۇستى. ونىڭ بۇل جەتىستىگىنىڭ ارتىندا مىڭداعان ساعاتتىق جاتتىعۋلار، سول سياقتى وتباسىنىڭ، جاتتىقتىرۋشىسىنىڭ جانە تۋىستارىنىڭ قولداۋى مەن وزىنە دەگەن سەنىمى جاتىر. دەمەۋشىلەر ەسەبىنەن نۇربەك ورالبايعا Land Rover Defender اۆتوكولىگىنىڭ كىلتى، ال جاتتىقتىرۋشىسىنا 10 ملن تەڭگەنىڭ سەرتيفيكاتى تابىس ەتىلدى. سپورتشىلارىمىزعا بيىك-بيىك شىڭداردى باعىندىرۋىن تىلەيمىن»!-دەپ جازدى جەڭىس قاسىمبەك.