شىمكەنتتىك 21 جاستاعى نۇراي سەرىكبايدىڭ وتباسى قىلمىس بويىنشا تەرگەۋدى ىشكى ىستەر مينيسترلىگىنىڭ تەرگەۋ دەپارتامەنتىنە بەرۋدى تالاپ ەتىپ وتىر، دەپ حابارلايدى Aqshamnews.kz ءتىلشىسى.
جابىرلەنۋشى تاراپتىڭ ادۆوكاتى ايانحان وماروۆتىڭ ايتۋىنشا، مارقۇمنىڭ تۋىستارى شىمكەنت قالالىق پوليسيا دەپارتامەنتىنىڭ قىزمەتكەرلەرىنە سەنىمسىزدىك ءبىلدىرىپ، قىلمىستىق ءىستى ءىىم دەڭگەيىندە تەرگەۋدى سۇراعان. وسىعان بايلانىستى وتباسى پرەزيدەنت اكىمشىلىگىنە، باس پروكۋراتۋراعا جانە ىشكى ىستەر مينيسترلىگىنە رەسمي شاعىم جولداعان. ادۆوكات تەرگەۋگە سەنىمسىزدىك سەبەپتەرىن جاريالامادى، ونى تەرگەۋ قۇپياسىمەن بايلانىستىردى.
نۇرايدىڭ ءولىمى تۋرالى نە بەلگىلى؟
قايعىلى وقيعا 11 قاڭتاردا بولعان. الەۋمەتتىك جەلىلەردە تاراعان بەينەجازبالاردا ەر ادامنىڭ قىزدى قۋىپ جەتىپ، پىشاقتاپ، وقيعا ورنىنان قاشىپ كەتكەنى كورىنەدى. 13 قاڭتاردا كۇدىكتى 28 جاستاعى جەرگىلىكتى تۇرعىن قالا سىرتىندا ۇستالدى.
وعان ق ر قىلمىستىق كودەكسىنىڭ ءۇش بابى بويىنشا ءىس قوزعالدى:
-
99-باپ، 1-بولىك — «ادام ءولتىرۋ»؛
-
125-1-باپ — «نەكە قيۋعا ماجبۇرلەۋ»؛
-
115-1-باپ — «ستالكينگ».
مارقۇمنىڭ تۋىستارىنىڭ ايتۋىنشا، قىلمىسقا دەيىن بىرنەشە اي بويى قۋدالاۋ بولعان، سونداي-اق الىپ قاشۋ ارەكەتى تىركەلگەن. وتباسى پوليسياعا بىرنەشە رەت جۇگىنگەنىمەن، ولاردىڭ ارىزى قابىلدانباعان.
بۇل ىسكە قاسىم-جومارت توقايەۆ تا نازار اۋدارىپ، ۇلتتىق قۇرىلتايدا پوليسيا جۇمىسىنا باعا بەرۋدى تاپسىردى. وسىدان كەيىن شىمكەنت قالاسى پوليسيا دەپارتامەنتىنىڭ باسشىسى قىزمەتىنەن بوساتىلىپ، ماجبۇرلەپ نەكەگە قاتىستى ارىزدى تىركەمەگەن قىزمەتكەرلەرگە قاتىستى سالعىرتتىق دەرەگى بويىنشا قىلمىستىق ءىس قوزعالدى.
كەيىن الەۋمەتتىك جەلىدە مارقۇمنىڭ بۇرىن تۇسىرىلگەن ۆيدەوسى تارادى. وندا نۇراي سەرىكباي ءوزىن ماجبۇرلەپ الىپ كەتۋ بولماعانىن ايتىپ، كۇدىكتىگە شاعىمى جوق ەكەنىن جەتكىزەدى. الايدا وتباسىنىڭ ادۆوكاتى بۇل ۆيدەو تەرگەۋ قۇپياسىن بۇزۋ دەپ باعالانىپ، وسى دەرەك بويىنشا دا رەسمي شاعىم تۇسىرىلگەنىن مالىمدەدى.