دوستىق ۇيىندە ىشكى ساياساتتىڭ وزەكتى ماسەلەلەرى مەن الماتى قالاسىنىڭ دامۋىن تالقىلاۋعا ارنالعان ساراپتامالىق كەزدەسۋ ءوتتى، - دەپ حابارلايدى Aqshamnews.kz.
جيىنعا الەۋمەتتانۋ جانە ساياساتتانۋ سالاسىنىڭ ماماندارى، اكادەميالىق ورتا وكىلدەرى، سونداي-اق قالا اكىمىنىڭ ورىنباسارى ابزال نۇكەنوۆ قاتىستى.
قاتىسۋشىلار قالانىڭ دامۋىنىڭ نەگىزگى باعىتتارى، باسقارۋشىلىق شەشىمدەر قابىلداۋدا عىلىم مەن تالداۋدىڭ ءرولى، سونداي-اق ساراپتامالىق قاۋىمداستىق پەن باسقارۋ ورگاندارىنىڭ ءوزارا ءىس-قيمىل مۇمكىندىكتەرى جونىندە پىكىر الماستى.
نەگىزگى نازار ءبىلىم بەرۋ مەن عىلىم ماسەلەلەرىنە، جاس زەرتتەۋشىلەردى قولداۋعا، قالالىق ينفراقۇرىلىمدى دامىتۋعا جانە قالا مۇددەسى ءۇشىن عىلىم مەن تاجىريبەنىڭ ءوزارا بايلانىسىنا اۋدارىلدى.
تالقى بارىسىندا ساراپشىلار ەلدە جۇرگىزىلىپ جاتقان كونستيتۋسيالىق رەفورمانى قولدايتىندارىن جەتكىزدى.
كەزدەسۋگە قاتىسۋشىلار قازاقستان رەسپۋبليكاسىنىڭ جاڭا كونستيتۋسياسى جوباسىنىڭ ەلدىڭ ودان ءارى تۇراقتى دامۋى ءۇشىن ماڭىزدىلىعىن اتاپ ءوتتى.
جاڭا نەگىزگى زاڭنىڭ باستى باعدارلارى رەتىندە ءبىلىم مەن عىلىم، مادەنيەت پەن يننوۆاسيالار، سونداي-اق ادىلدىك، زاڭ مەن ءتارتىپ قاعيداتتارى جانە تابيعاتقا ۇقىپتى قاراۋ اتالدى.
كەزدەسۋ وزەكتى دامۋ باعىتتارى بويىنشا ودان ءارى ساراپتامالىق-تالدامالىق سۇيەمەلدەۋ جانە بىرلەسكەن جۇمىس جۇرگىزۋ تۋرالى كەلىسىممەن قورىتىلاندى.
