بۇل فورۋم جاڭا ەكولوگيالىق رەتتەۋ جاعدايىندا كومىر سالاسىن دامىتۋ ماسەلەلەرىنە ارنالعان.
نۇر-سۇلتاندا Astana Mining & Metallurgy حالىقارالىق تاۋ-كەن مەتاللۋرگيالىق كونگرەسى اياسىندا قازاقستاننىڭ كومىر ونەركاسىبىنىڭ II فورۋمى ءوتتى، دەپ حابارلايدى اlmaty-akshamy.kz ق ر ييدم باسپا ءسوز قىزمەتىنە سىلتەمە جاساپ.
فورۋم سپيكەرلەرى رەتىندە ق ر يندۋستريا جانە ينفراقۇرىلىمدىق دامۋ ۆيسە-مينيسترى رۋسلان بايميشيەۆ، تمكق اتقارۋشى ديرەكتورى نيكولاي رادوستوۆەس، «قازكومىرتەك» سالالىق كاسىپتىك وداعى» قب ءتوراعاسى مارات ميرگايازوۆ، سونداي-اق كومىر كاسىپورىندارىنىڭ باسشىلارى ءسوز سويلەدى.
بۇگىنگى تاڭدا ەلىمىزدىڭ كومىر سالاسى ەلەكتر ەنەرگياسىنىڭ شامامەن 70%-ىن ءوندىرىپ، كوكس-حيميا ءوندىرىسىنىڭ تولىق جۇكتەمەسىن قامتاماسىز ەتەدى. كوممۋنالدىق-تۇرمىستىق سەكتور مەن ەل حالقىنىڭ وتىنعا قاجەتتىلىگىن تولىق قاناعاتتاندىرادى. سالادا 30 مىڭعا جۋىق ادام جۇمىس ىستەيدى.
كومىر قورى بويىنشا قازاقستان كوشباسشى ەلدەردىڭ وندىعىنا كىرەدى. قور كولەمى 33،9 ملرد.توننانى قۇرايدى، بارلانعان كومىر قورىنىڭ 90%-دان استامى قازاقستاننىڭ سولتۇستىك-شىعىسىندا جانە ورتالىق بولىگىندە شوعىرلانعان. تاۋەلسىزدىك جىلدارى كومىر ءوندىرۋشى كاسىپورىندار 2،7 ملرد. توننادان استام كومىر ءوندىردى. شامامەن 0،8 ملرد.توننا جاقىن جانە الىس شەتەلگە ەكسپورتتالدى.