ەكپە الۋ دەنساۋلىقتى قورعاۋدىڭ جانە ۇزاق كارانتيننەن شىعۋدىڭ جالعىز ءادىسى.
وتكەن تاۋلىكتە الماتىدا كوروناۆيرۋس ينفەكسياسىنىڭ 1561 جاعدايى تىركەلدى، ونىڭ ىشىندە 1467 جاعداي سيمپتومدى، 94 – سيمپتومسىز. الماتىلىق دەپۋتاتتار قالالىقتاردى بەلسەندى تۇردە ۆاكسينالانۋعا شاقىرادى، دەپ حابارلادى Almaty-akshamy.kz.
كوروناۆيرۋسقا قارسى ۆاكسينالانۋ – بۇل دەنساۋلىقتى قورعاۋدىڭ جانە ۇزاق كارانتيننەن شىعۋدىڭ جالعىز ءادىسى. ازىرگە مەگاپوليس تۇرعىندارىنىڭ يممۋندىق قاباتى حالىقتىڭ رەسمي سانىنىڭ 40%-دان ءسال عانا اسقانىن قۇرايدى. بۇل ينفەكسيانىڭ تارالۋىنىڭ الدىن الۋ ءۇشىن جەتكىلىكسىز.
بۇگىندە جۇزدەگەن دارىگەرلەر كوروناۆيرۋسپەن كۇرەسۋدە، ولاردىڭ ءبىر بولىگى الماتىداعى ۆاكسينالاۋ ورتالىقتارىندا جۇمىس ىستەيدى. 1000-نان استام دارىگەر قالالىقتارعا ەكپە جاساۋدا. كوبىسى «قىزىل» ايماقتارعا جۇمىلدىرىلعان. Nur Otan پارتياسىنان الماتى ءماسليحاتىنىڭ دەپۋتاتى، قالالىق كارديولوگيالىق ورتالىقتىڭ باس دارىگەرى، «100 جاڭا تۇلعا» جوباسىنىڭ جەڭىمپازى المات قوداسبايەۆ كوۆيدتىك ستاسيونارلارداعى جاعدايدى بىلەدى.
«ءبىز كوروناۆيرۋسپەن ەكى جىلدان بەرى كۇرەسىپ كەلەمىز. وسى ۋاقىت ىشىندە ءبىزدىڭ حالىق ماسكا تاعىپ، الەۋمەتتىك قاشىقتىققا ۇيرەندى. كادىمگى قالىپتى ومىرگە ورالۋدىڭ ۋاقىتى كەلدى. ول ءۇشىن ۇجىمدىق يممۋنيتەتتى قالىپتاستىرۋ كەرەك. ۆيرۋسولوگتار مەن عالىمداردىڭ ارقاسىندا اۋرۋدىڭ اۋىر اعىمىنان قورعايتىن ۆاكسينالار جاسالدى. بۇكىل ەۋروپادا ادامدار بەلسەندى تۇردە ۆاكسيناسيالانۋدا، ءبىز جاپپاي ۆاكسينالانۋدىڭ ءتيىمدى ەكەنىن كورىپ وتىرمىن»، - دەدى المات قوداسبايەۆ. دەپۋتات الماتىنىڭ كارديولوگيالىق ورتالىعىندا 600 مەديسينا مامانى جۇمىس ىستەيتىنىن، ونىڭ 90%-ىنىڭ ەكپە سالدىرعانىن ايتتى. قالعاندارى دەكرەتتىك دەمالىستا نەمەسە دەنساۋلىعىنا بايلانىستى مەديسينالىق قارسىلىقتارى بار.
VII شاقىرىلىمداعى قالالىق ءماسليحات دەپۋتاتى، "اق جول" پارتياسىنىڭ مۇشەسى اسقار بيسقۇلتانوۆ بۇرىنعى قالىپتى ومىرگە ورالۋ ءۇشىن ۇجىمدىق يممۋنيتەتكە قول جەتكىزۋ قاجەتتىگىن، انتيكوۆيدتىك ينەكسيانىڭ ارقاسىندا الماتىلىقتار وزدەرىن جانە جاقىندارىن ءقاۋىپتى ينفەكسيادان قورعاي الادى دەدى. ول قوعامدىق جۇمىستان وزگە تەمىر-بەتون زاۋىتىنىڭ ديرەكتورى ەكەنىن، وندا 300 قىزمەتكەر جۇمىس ىستەيتىنىن ايتتى. ول وتكەن جىلى كوروناۆيرۋستىق ينفەكسياسى دەرتى اسقىنىپ تۇرعان كەزدە كادرلاردىڭ جەتىسپەۋشىلىگىن ەسىنە الادى.
«بۇل ۆيرۋستىڭ ۆيرۋلەنتتىلىگىن كوزىمىزبەن كوردىك. قولدانىلعان سانيتارلىق-ەپيدەميولوگيالىق شارالار ءبىزدى قۇتقاردى. ءبىزدىڭ قىزمەتكەرلەردىڭ بارلىعى ماسكا رەجيمىن ۇستاندى، اشىق اۋادا جۇمىس جاسادى. ءبىز جاپپاي جۇقتىرۋدىڭ الدىن الدىق»، - دەدى اسقار بيسقۇلتانوۆ.
"Aق جول" پارتياسىنىڭ دەپۋتاتى ءوزىنىڭ كوروناۆيرۋسپەن اۋىرعانىن ايتتى جانە ونى باسقا رەسپيراتورلىق ينفەكسيالارمەن سالىستىرعاندا وتە ءقاۋىپتى دەرت دەپ سانايدى.
«بۇل اۋرۋدىڭ الدىن الۋعا نەمەسە ونى جەڭىلدەتۋگە مۇمكىندىك بار، سوندىقتان ۆاكسينا سالدىرۋ قاجەت. جاڭا شتامدار پايدا بولۋدا، سيمپتومدار وزگەرۋدە. كەزىندە ادامزات پوليوميەليت، وبا، يسپان تۇماۋى جانە باسقا دا كوپتەگەن جۇقپالى اۋرۋلاردى جەڭدى، بۇگىن بىزدە زاماناۋي ۆاكسينالار ارقىلى كوروناۆيرۋستى جەڭە الامىز. ءبىزدىڭ زاۋىتتا جۇمىسشىلاردىڭ كوبى ۆاكسينا الدى»، - دەدى اسقار بيسقۇلتانوۆ.
ەپيدەميولوگتاردىڭ ايتۋىنشا، يممۋندىق قابات كوروناۆيرۋستان جاپپاي قورعانىس ءۇشىن جەتكىلىكسىز. الماتىدا «دەلتا» شتامىنىڭ تارالۋى دەنساۋلىق ساقتاۋ جۇيەسىنە جۇكتەمەنى ەكى ەسە ارتتىردى. قالانىڭ ينفەكسيالىق ستاسيونارلارىندا 6 مىڭنان استام ناۋقاس ەمدەلۋدە، ونىڭ 169-ى بالالار.
بەس بالانىڭ اكەسى، «اۋىل» حدپ دەپۋتاتى قۋانىش تۇرابايەۆتى دا كوروناۆيرۋس ينفەكسياسى الاڭداتادى. ۇجىمدىق يممۋنيتەتتى قالىپتاستىرۋ ارقىلى اتا-انالار بالالارىنىڭ قاۋىپسىزدىگىنە سەنىمدى بولا الادى. ءماسليحات دەپۋتاتى ۆاكسينالانۋ بۇرىنعى قالىپتى ومىرگە ورالۋعا سەپتىگىن تيگىزەتىنىنە سەنىمدى.
ايتا كەتەرلىگى، سوڭعى ەكى اپتاداعى جاس قۇرامىن تالداۋ كورسەتكەندەي، دەرتى بۇرىنعىداي 20-39 جاس ارالىعىندا ءورشىپ تۇر، تىركەلگەنى - 33،5%، 40-59 جاس – ارالىعىندا 25،2% جانە 60 جاستان اسقاندار اراسىندا - 23،1%. قالعان 18% بالالار مەن جاسوسپىرىمدەر اراسىندا.
«پاندەميا ءبىلىم بەرۋ جۇيەسىنە ايتارلىقتاي زيان كەلتىردى. ۆاكسينالانۋ – ماڭىزدى. بۇل قورعانۋدىڭ جالعىز ءتيىمدى جولى. مەن ۆاكسينانى ارىپتەستەرىمە، وتباسىما جۇقتىرماس ءۇشىن الدىم. بۇل قوعام الدىنداعى، ادامداردى قوراعۋداعى جاۋاپكەرشىلىك»، - دەدى دەپۋتات قۋانىش تۇرابايەۆ.
قازاقستاننىڭ حالىق پارتياسىنان قالالىق ءماسليحاتىنىڭ دەپۋتاتى نۇرسۇلتان شوقانوۆ كوروناۆيرۋسقا قارسى ەگىلۋگە شاقىردى.
«مەن ۆاكسينالانۋدىڭ قالىپتى ومىرگە ورالۋدىڭ بىردەن-بىر سەنىمدى ءادىسى دەپ سانايمىن. ەكى جىل بويى ءبىز پاندەميا جاعدايىندا بولدىق، بۇعان نۇكتە قوياتىن ۋاقىت جەتتى. مەنىڭ بۇكىل وتباسىمدى ۆاكسينالانادى، ارىپتەستەرىم ءۇشىن جاۋاپكەرشىلىكتى ءوز موينىما الدىم جانە ولاردىڭ دا ۆاكسينالانۋىن سۇرادىم»، - دەدى نۇرسۇلتان شوقانوۆ.
ايتا كەتەرلىگى، سوڭعى تاۋلىكتەردە 3894 ادام ءبىرىنشى كومپونەنتپەن، ال 7357 ادام ەكىنشى كومپونەنتپەن ۆاكسينالاندى. 01.02.2021-26.08.2021 ارالىعىنىڭ بارلىق كەزەڭىندە 856 899 ادام I كومپونەنتپەن، 706 424 ادام II كومپونەنتپەن ەگىلدى. قالادا مەديسينالىق ۇيىمداردا، مەكتەپتەردە، مادەنيەت جانە سپورت نىساندارىندا، بازارلاردا جانە قالانىڭ سوسو 160 ۆاكسينالاۋ پۋنكتى بار (250-گە دەيىن ۇلعايتۋ مۇمكىندىگىمەن). 1028 ادامنان تۇراتىن 237 ۆاكسينالاۋ بريگاداسى تارتىلعان.