سەمەي پوليگونىنىڭ جابىلۋىنا ارنالعان كورمەدە فوتوجۇمىستار تانىستىرىلدى
بۇۇ-نىڭ نيۋ-يوركتەگى شتاب-پاتەرىندە سەمەي پوليگونىنىڭ جابىلۋىنا ارنالعان كورمە اشىلدى. وعان ادامزات بالاسىنىڭ يادرولىق سىناقتاردان تارتقان ازابى بەينەلەنگەن فوتوجۇمىستار قويىلدى، دەپ حابارلايدى Almaty-akshamy.kz.
سونداي-اق ەلباسى نۇرسۇلتان نازاربايەۆتىڭ پوليگوندى جابۋ جونىندەگى 1991 جىلعى 29 تامىزداعى جارلىعىنىڭ كوشىرمەسى كەلۋشىلەر نازارىنا ۇسىنىلدى. شاراعا قاتىسۋشىلار قازاقستاننىڭ يادرولىق قارۋدان باس تارتۋى وزگە مەملەكەتتەرگە ۇلگى بولاتىنىن تاعى ءبىر مارتە اتاپ ءوتتى.
«كورمەدەن ەرەكشە اسەر الدىم. جالپى، قازاقستاننىڭ سەمەي پوليگونىن جابۋى - باتىل شەشىم. الەمدىك قاۋىمداستىقتا بۇل باستاما تۋرالى كوپ ايتىلادى. الداعى ۋاقىتتا قازاقستانمەن بىرگە يادرولىق قارۋسىزداندىرۋ جولىندا تاجىريبە الماسىپ، بىرگە جۇمىس ىستەيمىز دەپ ويلايمىن»، - دەيدى بۇۇ باس حاتشىسىنىڭ قارۋسىزداندىرۋ ماسەلەلەرى جونىندەگى ورىنباسارى يزۋمي ناكاميسۋ.