نيدەرلاندىنىڭ قازاقستانداعى توتەنشە جانە وكىلەتتى ەلشىسى نيكو سحەرمەرس سۋ رەسۋرستارى جانە يرريگاسيا مينيسترلىگىنىڭ سۋ تاسقىنى سالدارىن جويۋ ءىس-شارالارىنا قاتىستى پىكىر ءبىلدىردى.
ەلشى سۋ تاسقىنىن بولجاۋ جانە سۋ تاسقىنىنىڭ الدىن الۋ ماسەلەسىندە قازاقستان مەن نيدەرلاندىنىڭ ىنتىماقتاستىعىنا جەكە توقتالدى، دەپ حابارلايدى aqshamnews.kz سۋ رەسۋرستارى جانە يرريگاسيا مينيسترلىگىنە سىلتەمە جاساپ.
«نيدەرلاند ساراپشىلارىنىڭ ايتۋىنشا، مينيسترلىك بيىل ۇلكەن جۇمىس اتقاردى. كوپتەگەن ەسەپتەۋلەردى قولمەن جاساۋ كەرەك بولسا دا، ناتيجەلەرى وتە ءدال كەلدى. مەنىڭ ويىمشا، ءبىزدىڭ ەلدەرىمىز بىرلەسىپ شەشۋى كەرەك باستى ماسەلە - ۇلكەن اۋماقتاردا ەسەپتەۋلەر جۇرگىزۋ. كليماتتىڭ وزگەرۋىنە بايلانىستى ءبىز جاڭا سىن-قاتەرلەرگە تاپ بولدىق. وسى مىندەتتەردى شەشۋ ءۇشىن نيدەرلاندى تاراپى مينيسترلىكپەن بىرلەسىپ جۇمىس ىستەۋگە دايىن. سۋ رەسۋرستارى جانە يرريگاسيا مينيسترلىگى وتە ۇلكەن جۇمىس ىستەپ جاتىر دەپ سانايمىن. قازاقستاندا كوپتەگەن دونورلىق ۇيىمدار جۇمىس ىستەيدى. سول سەبەپتى ۇيلەستىرۋ كەڭەسىن قۇرۋ مينيسترلىكتىڭ حالىقارالىق قوعامداستىقتىڭ كۇش-جىگەرىن بىرىكتىرۋ مەن ۇيلەستىرۋدى بايىپتى قابىلداعانىن كورسەتەدى. بۇل وتە ماڭىزدى»،– دەدى نيكو سحەرمەرس.
ايتا كەتەيىك، وسىعان دەيىن سۋ رەسۋرستارى جانە يرريگاسيا مينيسترلىگى مەن دەلفت سۋ ءبىلىم بەرۋ ينستيتۋتى (IHE Delft) اراسىنداعى مەموراندۋم اياسىندا نيدەرلاندىلىق ساراپشىلار استانادا سۋ تاسقىنى تاۋەكەلدەرىن باسقارۋ بويىنشا ەكى مارتە سەمينار وتكىزگەن بولاتىن.
ەسكە سالساق، قازاقستاننىڭ سۋ سەكتورىن دامىتۋ جونىندەگى ارىپتەستەردىڭ ۇيلەستىرۋ كەڭەسىنىڭ قۇرامىنا بۇۇ، حالىقارالىق ۇيىمدار مەن قارجى ينستيتۋتتارىنىڭ وكىلدەرى، سونداي-اق شەتەلدىك دامۋ اگەنتتىكتەرىنىڭ، ديپلوماتيالىق كورپۋس پەن بيزنەس وكىلدەرى كىرەدى.