الەمدەگى ەڭ ءقاۋىپتى جانارتاۋلاردىڭ ءبىرى – نيەۆادو-دەل-رۋيس وياندى
كولۋمبيادا نيەۆادو-دەل-رۋيس جانارتاۋىنىڭ ويانۋىنا بايلانىستى ءقاۋىپتى ەسكەرتۋدىڭ قىزعىلت سارى دەڭگەيى جاريالاندى. جانارتاۋ ماڭايىندا 180 جەر سىلكىنىسى بولدى، دەپ حابارلايدى اlmaty-akshamy.kz ءتىلشىسى Zakon.kz سايتىنا سىلتەمە جاساپ.
نيەۆادو-دەل-رۋيستىڭ سەيسميكالىق ءقاۋپى جانارتاۋدىڭ وڭتۇستىك-باتىس سەكتورىندا 2-دەن 4 شاقىرىمعا دەيىن جانە كراتەردەن 1،7-دەن 6 شاقىرىمعا دەيىنگى قاشىقتىققا تارالدى.
بۇل ۆۋلكان ارنالارى ىشىندەگى سۇيىقتىقتاردىڭ قوزعالىسىنا بايلانىستى. بىرنەشە رەت كۇل اتقىلادى، بۇل جانارتاۋدى باقىلاۋعا قولدانىلاتىن ۆەب-كامەرالار ارقىلى راستالدى. Elespectador باسىلىمىنىڭ حابارلاۋىنشا، قىزعىلت سارى دەڭگەيدەگى ءقاۋىپ الدىڭعى كۇندەرمەن سالىستىرعاندا وزگەرىپ، تومەندەۋى مۇمكىن، ءبىراق بۇل ونىڭ بەلسەندىلىكتىڭ تومەنگى دەڭگەيىنە جەتتى دەگەن ءسوز ەمەس.
كولۋمبيا گەولوگيالىق قىزمەتىنىڭ (SGC) ساراپشىلارىنىڭ مالىمدەۋىنشە، ءقاۋىپ دەڭگەيى وزگەرىپ، سارى سپەكترگە ورالۋى ءۇشىن ۋاقىت قاجەت. سوندىقتان نيەۆادو-دەل-رۋيستىڭ ءقاۋىپ دەڭگەيى بىرنەشە اپتا بويى قىزعىلت سارى بولىپ تۇرماق.