جەكە تۇلعالارعا بەرىلگەن نەسيە مولشەرلەمەسى 21،6%-عا ءوستى. ورتاشا مولشەرلەمە قىركۇيەكتىڭ اياعىنا دەيىن 20،2% بولعان. بۇل تۋرالى ۇلتتىق بانكتىڭ «قازاقستاننىڭ بانك سەكتورى مەن ەكىنشى دەڭگەيدەگى بانكتەردىڭ ەكونوميكانى كرەديتتەۋى» تۋرالى دەرەگىندە جازىلعان.
ساۋىردەن ماۋسىمعا دەيىن تەڭگەدەگى نەسيە ارزانداي ءتۇستى. قىركۇيەكتە شەتەل ۆاليۋتاسىنداعى نەسيە جەكە تۇلعالارعا قولجەءتىمدى بولدى. سوندا كورسەتكىش 5،4%-دان 4،4%-عا تومەندەدى. زاڭدى تۇلعالارعا قاتىستى تەڭگەدەگى نەسيە مولشەرلەمەسى ءوزگەرمەي، 17،6% دەڭگەيىندە قالدى.
حالىق جەكە تۇلعا بانكروتتىعىنا كوبىرەك جۇگىنە باستاعان. الايدا بانكروتتىققا بەرگەن ءوتىنىمنىڭ 75%-ى ماقۇلدانباعان. «Qoldau.kz» پلاتفورماسىنىڭ ءمالىمەتىنشە، جەكە تۇلعالاردان بانكروتتىققا 124،5 مىڭ ءوتىنىش تۇسكەن. بۇل وتىنىشتەردەگى تولەنبەگەن بورىش سوماسى – 266 ملرد تەڭگە.
ماقۇلدانباۋدىڭ باستى سەبەپتەرى – ءوتىنىش بەرۋشىنىڭ اتىندا ءدۇنيە-مۇلىكتىڭ بولۋى، قارىز مەرءزىمى مەن سوماسىنىڭ بانكروتتىق تالاپتارىنا ساي كەلمەۋى.