بۇل تۋرالى ۇلتتىق بانكتىڭ قارجىلىق تۇراقتىلىق جانە زەرتتەۋلەر دەپارتامەنتىنىڭ ديرەكتورى ولجاس كۇبەنبايەۆ ايتتى.
بيىلعى III توقساندا جەكە تۇلعالاردىڭ يپوتەكا مەن اۆتوكرەديتتەرگە، تۇتىنۋشىلىق نەسيەلەرگە دەگەن سۇرانىسى وسكەن، دەپ حابارلايدى aqshamnews.kz
“ءبىر بانكتىڭ يپوتەكا ونىمدەرىنە دەگەن سۇرانىستىڭ وسۋىنە باسەكەلەس بانكتەردىڭ كەپىل تالاپتارىن قاتاڭداتۋى اسەر ەتتى. ناتيجەسىندە، كرەديت وتىنىمدەرىنىڭ جالپى سانى توقسان بويىنشا 31%-عا (ت/ت) ءوسىپ، 274 مىڭعا جەتتى” دەدى ولجاس كۇبەنبايەۆ.
بانكتەردىڭ پىكىرىنشە، ۇزاققا سوزىلعان وسىمنەن كەيىن كەپىلمەن بەرىلەتىن تۇتىنۋ كرەديتتەرىنە دەگەن سۇرانىس ازداپ تومەندەگەن. بۇل قۇبىلىستى بانكتەر كەپىل تالاپتارىنىڭ قاتاڭداۋىمەن بايلانىستىرادى. الايدا، كەيبىر بانكتەردەگى ءوتىنىم اعىنىنىڭ وسۋىنە بايلانىستى تۇسكەن وتىنىمدەر سانى توقسان بويىنشا 6%-عا (ت/ت) ارتىپ، 48 مىڭعا جەتكەن.
كەپىلسىز تۇتىنۋ كرەديتتەرىنە دەگەن سۇرانىس رەتتەۋگە بايلانىستى وزگەرىستەر اياسىندا ازداپ تومەندەگەنى بايقالادى. دەگەنمەن، بانكتەردىڭ پىكىرىنشە، سۇرانىستىڭ تومەندەۋى تەك تالاپتارعا ەمەس، ولاردى جۇزەگە اسىرۋداعى ۋاقىتشا تەحنيكالىق ماسەلەلەرگە كوبىرەك بايلانىستى بولعان. وسىلايشا، تۇسكەن وتىنىمدەر سانى 21،8 ملن-عا جەتىپ، الدىڭعى توقسانداعىمەن سالىستىرعاندا 5%-عا وسكەن.
اۆتوكرەديتتەرگە دەگەن سۇرانىستىڭ ءسال ءوسۋى، بانكتەردىڭ پىكىرىنشە، سەرىكتەس اۆتوسالونداردىڭ ماركەتينگتىك شارالارىنا جانە ولاردىڭ جارتىلاي سۋبسيديالاعان كەيبىر اكسيا ونىمدەرىن ۇسىنۋىنا بايلانىستى. ناتيجەسىندە، كرەديت وتىنىمدەرىنىڭ سانى توقسان بويىنشا 10%-عا (ت/ت) ءوسىپ، 1،1 ملن-عا جەتتى.