ۋاقىتشا ۇستاۋ يزولياتورىنا قامالدى.
الماتى ءمايىتحاناسىنداعى مۇردەلەرگە ازعىندىق جاساعان كۇزەتشى 3 جىلعا سوتتالۋى مۇمكىن، دەپ حابارلايدى Almaty-akshamy.kz
الماتىدا نەكروفيلدىڭ ۇستالعانى تۋرالى اقپارات الەۋمەتتىك جەلىدە تارادى.
جۋرناليست ميحايل كوزاچكوۆ ءوزىنىڭ Telegram-داعى ارناسىنا قالالىق ءمايىتحانانىڭ كۇزەتشىسى ۇستالعانىن جازدى. ق ر قىلمىستىق كودەكسىنىڭ 314-بابى («قايتىس بولعانداردىڭ مايىتتەرى مەن ولاردىڭ جەرلەنگەن جەرلەرىن قورلاۋ») بويىنشا قىلمىستىق ءىس قوزعالعان.
«مەندەگى اقپارات بويىنشا، قىلمىسكەر تەلەفونىن وتكىزۋگە الىپ كەلگەن كەزدە لومبارد قىزمەتكەرلەرى ونى اشكەرەلەۋگە كومەكتەسكەن. تەلەفوندى باعالاۋ كەزىندە ودان اپپاراتتىڭ وزىنە تيەسىلى ەكەنىنە كوز جەتكىزۋ ءۇشىن گالەرەياسىن اشۋدى سۇرايدى. ول جەردە 18+ فوتولار بولعان»، - دەپ جازدى جۋرناليست.
ق ر قك-نىڭ 314-بابى سانكسياسى ايىپپۇل، قوعامدىق جۇمىستار جانە ءتىپتى 3 جىلعا دەيىنگى مەرزىمگە باس بوستاندىعىنان ايىرۋ جازاسىن كوزدەيدى.
«اتالعان فاكتى بويىنشا قىلمىستىق ءىس قوزعالدى. كۇدىكتى ۇستالدى جانە ۋاقىتشا ۇستاۋ يزولياتورىنا قامالدى. تەرگەۋ جالعاسىپ جاتىر»، - دەپ مالىمدەدى الماتى قالاسىنىڭ پد باسپا ءسوز قىزمەتى.