پرەزيدەنتىمىز قاسىم-جومارت توقايەۆتىڭ باستاماسىمەن ءبىز اتا-بابالارىمىزدىڭ تامىرىنا قايتا ورالىپ، قازاق حالقىنىڭ ەجەلگى ءداستۇرى – ۇلتتىق قۇرىلتايدى جاڭعىرتۋعا كۋا بولىپ وتىرمىز. بۇگىن بۋرابايدا مەملەكەت باسشىسىنىڭ جەتەكشىلىگىمەن IV ۇلتتىق قۇرىلتايدىڭ ەكى كۇندىك وتىرىسى ءوتىپ جاتىر. بۇل وتىرىستا بيلىك وكىلدەرى، قوعام قايراتكەرلەرى مەن ساراپشىلار ەلىمىزدىڭ الەۋمەتتىك-ەكونوميكالىق دامۋىنا كەدەرگى كەلتىرەتىن وزەكتى ماسەلەلەردى اشىق تۇردە تالقىلاۋدا.
ۇلتتىق قۇرىلتايدا سويلەگەن سوزىندە پرەزيدەنتىمىز ەلىمىزدىڭ ەكونوميكاسىنىڭ سوڭعى بەس جىلدا، 2019 جىلدان باستاپ، تۇراقتى 15،5 پايىزدىق ءوسىم كورسەتكەنىن اتاپ ءوتتى. ەلدىڭ جالپى ىشكى ءونىمى (ءجىو) 288 ميلليارد دوللاردى قۇراپ، جان باسىنا شاققانداعى ءجىو 46 پايىزعا ارتىپ، 14 مىڭ دوللاردى قۇرادى. نەگىزگى كاپيتالعا سالىنعان ينۆەستيسيالار وتكەن جىلى 19 تريلليون تەڭگەدەن اسقان، ياعني ءبىر جارىم ەسە وسكەن. مەملەكەت باسشىسىنىڭ ايتۋىنشا، مەملەكەت اۋىل شارۋاشىلىعىنا قولداۋدى ەداۋىر ارتتىردى. وتكەن كۇزدە رەكوردتىق 27 ميلليون توننا استىق جينالدى. سونىمەن قاتار، 2019 جىلدان بەرى ەلىمىزدە 250-دەن استام ستۋدەنتتەر جاتاقحاناسى سالىندى، بۇل ورىن تاپشىلىعىن التى ەسە ازايتۋعا مۇمكىندىك بەردى.
بۇگىنگى تاڭدا قازاقستاندىقتار شەتەلگە ءجيى دەمالۋعا شىعا باستادى. مەملەكەت باسشىسى اتاپ وتكەندەي، «ءبىزدىڭ ۇلتتىق كوگىلدىر پاسپورتىمىز ونىڭ يەلەرىنە 92 ەلدىڭ شەكاراسىن ۆيزاسىز كەسىپ وتۋگە مۇمكىندىك بەرەدى.» قازاقستان حالىقارالىق ارەنادا قۇرمەتكە يە بولىپ، «ورتاشا دەرجاۆا» دەپ اتالادى. پرەزيدەنت قۇرىلتايعا قاتىسۋشىلارعا اتاپ كورسەتكەندەي، بۇۇ باس اسسامبلەياسى الماتىدا ورتالىق ازيا مەن اۋعانستان ەلدەرى ءۇشىن تۇراقتى دامۋ ماقساتتارىنا ارنالعان وڭىرلىك ورتالىق اشۋ تۋرالى رەزوليۋسيا قابىلدادى. بۇل ءبىزدىڭ ەلىمىزدىڭ الەمدەگى ىقپالى مەن ابىرويىنىڭ ايعاعى بولىپ تابىلادى، دەپ جازدى كامالوۆ باقتيار الەۋمەتتىك پاراقشاسىندا.