«وزەنمۇنايگاز» بۇرعىلاۋ باسقارماسىنىڭ قىزمەتكەرلەرى ءبىرقاتار تالاپتار قويعانىمەن، ولاردىڭ كەيبىرەۋلەرى قولدانىستاعى زاڭدار مەن بەكىتىلگەن ەرەجەلەرگە قايشى كەلەدى، دەپ حابارلايدى aqshamnews.kz
باس تارتۋ سەبەپتەرى:
-
زەينەتكەرلەردىڭ بالالارىنا كەزەكتەن تىس جۇمىس بەرۋ 2020 جىلى بەكىتىلگەن ەرەجەلەردى بۇزادى. بۇل جاڭاوزەندەگى باسقا جۇمىسسىزداردىڭ قۇقىقتارىن شەكتەۋى مۇمكىن.
-
قىزمەتكەرلەرگە ارنالعان الەۋمەتتىك قولداۋ دەڭگەيى جوعارى: ءار قىزمەتكەرگە جىل سايىن 3،8 ملن تەڭگە بولىنەدى.
كومپانيا نارازىلىق بىلدىرۋشىلەردى جۇمىسقا ورالۋعا جانە ماسەلەلەردى بىتىمگەرلىك كوميسسياسى ارقىلى شەشۋگە شاقىردى. جۇيەنى جەكە توپتار ءۇشىن وزگەرتۋگە بولمايدى.
«وزەنمۇنايگاز» اق مالىمدەمەسى
2024 جىلعى 12 قاراشادا «وزەنمۇنايگاز» اق (بۇدان ءارى – ومگ) بۇرعىلاۋ باسقارماسى قىزمەتكەرلەرىنىڭ كاسىپوداعى زاڭسىز نارازىلىق اكسياسىن وتكىزىپ، ءبىرقاتار تالاپتارىن العا تارتتى. ومگ باسشىلىعى نارازىلىق بىلدىرۋشىلەرمەن تۇراقتى كەلىسسوزدەر جۇرگىزىپ كەلەدى.
2024 جىلعى 3 جەلتوقساندا جاڭاوزەن قالاسىندا «قازمۇنايگاز» ۇك اق باسقارما ءتوراعاسىنىڭ ورىنباسارى بەكزات ابايىلدانوۆ بۇرعىلاۋ باسقارماسى قىزمەتكەرلەرىمەن كەزدەسىپ، ولاردى جۇمىسقا شىعۋعا شاقىردى. كەلىسسوزدەر ناتيجەسىندە تومەندەگىدەي حاتتاما جاسالدى:
- بۇرعىلاۋ باسقارماسى قىزمەتكەرلەرى زاڭسىز نارازىلىق اكسياسىنا قاتىسۋدى توقتاتىپ، تولىق قۇرامدا جۇمىسقا شىعۋى ءتيىس؛
- حاتتامانىڭ ءبىرىنشى تارماعى ورىندالعان جاعدايدا، «قازمۇنايگاز» جانە ومگ تاراپىنان ەشقانداي تارتىپتىك شارالار قولدانىلمايدى؛
- بارلىق تالاپتار قازاقستان رەسپۋبليكاسىنىڭ زاڭناماسىنا سايكەس بىتىمگەرلىك كوميسسيا اياسىندا قارالادى.
حاتتاما زاڭسىز نارازىلىق اكسياسىنا قاتىسۋشىلاردىڭ نازارىنا جەتكىزىلدى. الايدا، ومگ بۇرعىلاۋ باسقارماسى كاسىپوداعىنىڭ ءتوراعاسى قۇجاتقا قول قويۋدان باس تارتتى.
ەسكە سالامىز، قازاقستان رەسپۋبليكاسىنىڭ زاڭدارىنا سايكەس، ەڭبەك قاتىناستارى تىكەلەي جۇمىس بەرۋشى مەن قىزمەتكەرلەر اراسىندا رەتتەلۋى ءتيىس جانە ءۇشىنشى تاراپتاردىڭ ارالاسۋىنا جول بەرىلمەيدى.
