الماتى قالاسى جاستار ساياساتى باسقارماسىنىڭ قولداۋىمەن «دۇيسەنبىلىك سپورت» جوباسى بويىنشا «Social project management» ورتالىعى» قوعامدىق قورىنىڭ ۇيىمداستىرۋىمەن NEET ساناتىنداعى جاستار اراسىندا ۇستەل تەننيسىنەن تۋرنير ءوتتى، دەپ حابارلايدى اlmaty-akshamy.kz.
بۇقارالىق سپورتتى دامىتۋ جانە جاستاردى قولداۋ ماقساتىنداعى اتالمىش شاراعا بازاردان، ساۋدا ورتالىقتارىندا جۇمىس ىستەيتىن جانە جۇمىسسىز جۇرگەن جاستاردان 30 قاتىسۋشى باقتارىن سىنادى.
بۇعان دەيىن «دۇيسەنبىلىك سپورت» جوباسى اياسىندا الماتى قالاسى بازار جاستارىنىڭ اراسىندا شاعىن فۋتبولدان جانە ۆولەيبولدان تۋرنير وتكەن بولاتىن.
سايىسقا تۇسكەن جاستار اراسىندا بولاشاقتا ۇلكەن دودالاردا توپ جارۋدى ماقسات ەتكەندەر دە بار.
«سپورتتىڭ ادام ومىرىندە الاتىن ورنى ەرەكشە ەكەنى بارىمىزگە ءمالىم. الماتى قالاسىنىڭ NEET ساناتىنداعى جاستاردىڭ سپورتقا دەگەن قىزىعۋشىلىعىن ارتتىرۋ ماقساتىندا جىل سايىن داستۇرگە اينالعان «دۇيسەنبىلىك سپورت» جوباسىن اياسىنداعى وسى شاراعا قاتىسقانىمىزعا قۋانىشتىمىز! ارينە، بولاشاقتا ۇلكەن دودالارعا تۇسسەك پا دەگەن ارماندا جوق ەمەس»، - دەيدى قاسىمجان ايدار، «بەلگىباي» كومانداسىنىڭ كاپيتانى.
تۋرنير الماتى قالاسى الاتاۋ اۋدانىنداعى ADD ۇستەل تەننيس ورتالىعىندا ءوتتى.
اتالمىش شاراعا «قازىنا»، «ارلان»، «باتىر»، ت.ب ساۋدا ورتالىقتارىندا جۇمىس ىستەيتىن جاستار، NEET ساناتىنداعى، ياعني جۇمىسسىز 30 جاس قاتىستى.
العاشقى ىرىكتەۋ كەزىندە 2 توپقا ءبولىنىپ، ءوزارا ب ا ق سىنادى. شيرەك فينال مەن جارتىلاي فينالدىق سايىسقا سۇرىنبەي جەتكەن جاستار اراسىنداعى ويىن تارتىستى ءوتتى.
زيادۋللا تۇرسىنبايەۆ مەن ونلاسىن ايان التىن مەدال مەن كۋبوك ءۇشىن بار ءايلا-تاسىلىن قولدانىپ-اق باقتى. دەگەنمەن 3:2 ناتيجەسىمەن زيادۋللا تۇرسىنبايەۆ باسىم ءتۇسىپ، «دۇيسەنبىلىك سپورت» جوباسى اياسىندا وتكەن ۇستەل تەننيسىنىڭ جەڭىمپازى اتاندى. ال ءۇشىنشى ورىن ءۇشىن تارتىستى ويىن كورسەتكەن المات سەيتبايەۆ پەن ءدىلمۇرات شايۋپوۆ ءبىراز الىستى. دەگەنمەن الماتتىڭ ءباسى جوعارى بولىپ، ءۇشىنشى ورىن تۇعىرىنان كورىندى. ءوزارا ب ا ق سىناسقان تۋرنير جوعارى دەڭگەيدە ءوتتى.
تۋرنير قورتىندىسى بويىنشا، ءبىرىنشى ورىن العان زيادۋللا تۇرسىنبايەۆ 250 مىڭ تەڭگەنىڭ، ەكىنشى ورىن العان ايان ونلاسىنعا 150 مىڭ تەڭگەنىڭ، ءۇشىنشى ورىن العان ەكى قاتىسۋشى المات سەيتبايەۆ پەن ءدىلمۇرات شايۋپوۆقا 50 مىڭ تەڭگەنىڭ سەرتيفيكاتتارى تابىس ەتىلدى.
ەندى الداعى ۋاقىتتا «دۇيسەنبىلىك سپورت» جوباسى اياسىندا NEET ساناتىنداعى جاستار اراسىندا باسكەتبولدان كەمىندە 16 كوماندانىڭ، ال كيبەرسپورت بويىنشا ءار سپورت تۇرىنەن 30 (وتىز) قاتىسۋشىنىڭ قاتىسۋىمەن تۋرنير ۇيىمداستىرۋ جوسپاردا بار.