الماتى وبلىسى قاراساي اۋدانىنىڭ اكىمدىگى نازىم قىزايباي تۇراتىن كوشەدەگى جولدى جوندەۋ تۋرالى مالىمدەمە جاسادى
الماتى وبلىسى قاراساي اۋدانىنىڭ اكىمدىگى پاريج وليمپياداسىنىڭ قولا جۇلدەگەرى نازىم قىزايباي تۇراتىن كوشەدەگى جولدى جوندەۋگە قاتىستى پايدا بولعان اقپاراتقا قاتىستى رەسمي مالىمدەمە جاسادى. اكىمدىك بۇل اقپاراتتىڭ جالعان ەكەنىن جانە شىندىققا سايكەس كەلمەيتىنىن مالىمدەدى.
"الەۋمەتتىك جەلىلەردە قازاقستان رەسپۋبليكاسىنىڭ بوكستان ەڭبەك سىڭىرگەن سپورت شەبەرى نازىم قىزايباي تۇراتىن قاراساي اۋدانى ىرگەلى اۋىلىنىڭ كوشەلەرى جوندەۋدەن ءوتىپ جاتىر دەگەن بەينەروليكتەردىڭ تارالۋىنا بايلانىستى اكىمدىك اقپاراتتى جالعان جانە شىندىققا سايكەس كەلمەيدى"، - دەلىنگەن مالىمدەمەدە.
اكىمدىك Instagram پاراقشاسىندا (@qarasai_akimdigi) كوشەنىڭ سۋرەتىن جاريالادى. سۋرەتتە جوندەۋ جۇمىستارىنىڭ جۇرگىزىلمەگەنى انىق كورسەتىلگەن.
قازاق بوكسشىسى نازىم قىزايباي 6 تامىزدا 2024 جىلعى وليمپيادا ويىندارىنىڭ قولا جۇلدەگەرى اتاندى.