ايەلدەر بوكسى بويىنشا پاريجدەگى XXXIII جازعى وليمپيادا ويىندارىنىڭ قولا جۇلدەگەرى نازىم قىزايباي الماتىداعى سايلاۋ ۋچاسكەلەرىنىڭ بىرىندە داۋىس بەرىپ، اەس قۇرىلىسى بويىنشا رەفەرەندۋمعا قاتىستى.
اتاقتى سپورتشى ءوزىنىڭ ازاماتتىق پارىزىن العاشقىلاردىڭ ءبىرى بولىپ ورىنداپ، ازاماتتاردى رەفەرەندۋمدا داۋىس بەرۋگە شاقىردى.
"مەن داۋىس بەردىم جانە اركىم ءوز تاڭداۋىن جەكە سەنىمدەرىنە قاراي جاساۋى كەرەك دەپ سانايمىن. ءاربىر داۋىس ماڭىزدى، ءبىزدىڭ وتانداستارىمىز بۇل ماسەلەدە بەلسەندى بولاتىنىنا سەنىمدىمىن"، - دەدى نازىم قىزايباي.
ەستەرىڭىزگە سالا كەتەيىك، بۇگىن قازاقستان اۋماعىندا اەس سالۋ ماسەلەسى بويىنشا رەسپۋبليكالىق رەفەرەندۋم وتۋدە. الماتى اكىمى ەربولات دوسايەۆ جۇبايىمەن بىرگە №48 مەكتەپ-ليسەيدەگى №388 سايلاۋ ۋچاسكەسىنە كەلىپ، العاشقىلاردىڭ ءبىرى بولىپ داۋىس بەرۋگە قاتىستى. الماتىلىقتار تۇرعىلىقتى جەرى بويىنشا سايلاۋ ۋچاسكەلەرىنە بارىپ، ساعات 20.00-گە دەيىن ءوز داۋىستارىن بەرە الادى.