وليمپيادا جۇلدەگەرى نازىم قىزايباي ۇلتتىق قۇراماعا ەنبەي قالدى.
قازاقستان بوكس فەدەراسياسى (قفب) ازيا چەمپيوناتىنا قاتىساتىن قۇرامدى جاريالادى، دەپ حابارلايدى aqshamnews.kz Tengri Sport باسىلىمىنا سىلتەمە جاساپ.
ول تىزىمگە ايەلدەر قۇراماسىنىڭ كاپيتانى نازىم قىزايباي قابىلدانبادى.
قازاقستان ايەلدەر قۇراماسى ساپىنداعى پاريجدەگى جالعىز وليمپيادا جۇلدەگەرى 28 قاراشا مەن 12 جەلتوقسان ارالىعىندا تايلاندتا وتەتىن ماڭىزدى تۋرنيرگە قاتىسا المايدى. قىزايباي دا سالماق دارەجەسىن وزگەرتۋگە بەل بۋعان.
«نازىم قىزايباي وليمپيادادان كەيىن قىسقا ءۇزىلىس الدى، ءقازىر ەكىنشى وقۋ-جاتتىعۋ جيىنىن وتكىزىپ جاتىر، ول 48 كەلىگە دەيىنگى سالماق دارەجەسىندە قاراعاندىدا وتەتىن قازاقستان چەمپيوناتىنا قاتىسۋدى جوسپارلاپ وتىر»، - دەلىنگەن قازاقستان بوكس فەدەراسياسى باسپا ءسوز قىزمەتىنىڭ اقپاراتىندا.