1 مامىردا ىسكە قوسىلۋى ءتيىس «ناۋرىز» يپوتەكاسىنىڭ ءبىرقاتار شارتتارى بەلگىلى بولدى، دەپ حابارلايدى اlmaty-akshamy.kz.
ازىرگە بەلگىلى شارتتارى مىناداي: مولشەرلەمەسى: الەۋمەتتىك وسال توپتارعا 7 پايىز بولسا، قالعان تۇرعىندار 9 پايىزبەن الادى.
باستاپقى جارنا 20 پايىزدان باستالادى.
نەسيە مەرزىمى – 19 جىل. الماتى، استانا، شىمكەنت جانە وبلىس ورتالىقتارىندا قارىزدىڭ شەكتى سوماسى انىقتالمادى. ءبىراق «وتاۋداعىدان» جوعارى بولۋى مۇمكىن.
قاتىسۋشىنىڭ اتىندا سوڭعى بەس جىلدا جىلجىمايتىن مۇلىك بولماۋى كەرەك، وتباسى مۇشەلەرى (جۇبايى، بالالارى) دە ۇيمەن بايلانىستى مامىلە جاساماۋى قاجەت.
Krisha.kz مالىمەتىنشە، بۇل تۇرعىن ءۇي باعدارلاماسىمەن استانا، الماتى، شىمكەنت جانە وبلىستىق ماڭىزى بار قالالاردا تەك جاڭا ۇيدەن پاتەر قاراۋعا رۇقسات بەرىلەدى.
«ناۋرىز» يپوتەكاسىنىڭ «وتاۋدان» ەكى ايىرماشىلىعى بار:
1. كەز كەلگەن ۋاقىتتا اشىلعان دەپوزيتپەن ۇمىتكەر اتانۋعا مۇمكىندىك بار. الايدا شوتتا كەم دەگەندە 1 ملن تەڭگە بولۋعا ءتيىس.
2. الەۋمەتتىك وسال توپقا كىرەتىن تۇرعىندار 7 پايىزبەن راسىمدەيدى.
بيىل بانك «ناۋرىز» باعدارلاماسىنا 1 مامىردان ءوتىنىم قابىلدايدى، ال كەيىنگى جىلدارى بۇل پروسەسس ونىڭ اتاۋىنا سايكەس كوكتەمنىڭ العاشقى كۇنى باستالادى.