رەيستەر كەستەگە سايكەس ورىندالادى.
ازاماتتىق اۆياسيا كوميتەتىنىڭ اقپاراتىنا سايكەس، ەگيپەتكە رەيستەر قايتا باستالادى، دەپ حابارلايدى Almaty-akshamy.kz
قازاقستان رەسپۋبليكاسىنىڭ اۋماعىندا كوروناۆيرۋستى ينفەكسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ 17 اقپانداعى شەشىمىنە سايكەس، قازاقستان مەن مىسىر اراسىنداعى اۋە قاتىناسى قايتا جاندانىپ وتىر.
ناۋرىز ايىنان باستاپ قازاقستاندىق «ەير استانا»، «Fly Arystan» جانە «SCAT» اۋەكومپانيالارى نۇر-سۇلتان، الماتى، شىمكەنت، اتىراۋ، اقتوبە، ورال جانە قوستاناي قالالارىنان شارم-ەل-شەيح قالاسىنا تۋريستىك رەيستەردى قالپىنا كەلتىرۋدى جوسپارلاپ وتىر.
رەيستەر سانيتارلىق-ەپيدەميولوگيالىق تالاپتاردى قاتاڭ ساقتاي وتىرىپ جانە اۋە كومپانيالارى سايتىندا جاريالانعان كەستەگە سايكەس ورىندالادى.