ناۋرىزباي اۋدانىندا سپورتتىق ينفراقۇرىلىمدى جاقسارتۋ ماقساتىندا اقجار جانە شۇعىلا شاعىن اۋداندارىندا 2 دەنە شىنىقتىرۋ-ساۋىقتىرۋ كەشەنىن سالۋ ءۇشىن جوبالاۋ-سمەتالىق قۇجاتتاما ازىرلەنەگەنى تۋرالى مالىمدەدى قالا اكىمى ە.دوسايەۆ اۋدان تۇرعىندارىمەن كەزدەسۋىندە، دەپ حابارلايدى Almaty-akshamy.kz.
«2024 جىلدىڭ ءى-شى توقسانىنىڭ سوڭىنا دەيىن جوبالاۋ-سمەتالىق قۇجاتتامانى ازىرلەۋدى اياقتاپ، مەملەكەتتىك ساراپتامانىڭ وڭ قورىتىندىسىن الۋدى جوسپارلاپ وتىرمىز. قۇرىلىس جۇمىستارى شامامەن 2024 جىلى مامىر ايىندا باستالادى»، -دەدى قالا اكىمى.
دەنە شىنىقتىرۋ-ساۋىقتىرۋ كەشەندەرىندە ءارتۇرلى سپورت تۇرلەرى (ويىن تۇرلەرى، باسسەين، جەكپە-جەك، بوكس، كۇرەس جانە ت.ب.) بويىنشا سپورت سەكسيالارى قاراستىرىلاتىن بولادى. ءار كەشەننىڭ وتكىزۋ قابىلەتى كۇنىنە كەمىندە 500 ادامدى قۇرايدى. بۇل رەتتە سپورت كەشەندەرى ەرەكشە قاجەتتىلىكتەرى بار ادامدارعا بەيىمدەلەتىن بولادى.