الماتىنىڭ ناۋرىزباي اۋدانىندا اعىمداعى جىلى 30 كوشە جوندەلەدى جانە 6 جاڭا كوشە سالىنادى
ناۋرىزباي اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ اۋداندا جول-كولىك ينفراقۇرىلىمىن دامىتۋ جانە جولاۋشىلار تاسىمالىنىڭ ساپاسىن ارتتىرۋ جونىندەگى جۇمىستار تۋرالى ايتىپ بەردى، دەپ حابارلايدى almaty-akshamy.kz
قالا اكىمى بيىل اۋداننىڭ 110 كوشەسىندەگى 50 مىڭ شارشى مەتر جول اعىمداعى جوندەۋمەن قامتىلعانىن حابارلادى. قاراشا ايىنىڭ سوڭىنا دەيىن 150 كوشەدە تاعى 20 مىڭ شارشى مەتر جولدى جوندەۋ جوسپارلانۋدا.
«بۇگىندە 8 كوشەدە 5 شاقىرىم جولعا ورتاشا جوندەۋ جۇرگىزىلدى، قاراشا ايىنىڭ سوڭىنا دەيىن ۇزىندىعى 13 شاقىرىم بولاتىن تاعى 22 كوشە ورتاشا جوندەۋمەن قامتىلادى، قازان ايىنىڭ سوڭىندا اقجار شاعىن اۋدانىنداعى 6 كوشە بويىنشا 2 شاقىرىم جول قۇرىلىسىن اياقتاۋ جوسپارلانۋدا»، - دەدى ەربولات دوسايەۆ.
اۋداندا ماگيسترالدىق كوشەلەردى ۇزارتۋ جالعاسۋدا. قاراشا ايىنىڭ سوڭىنا دەيىن اباي داڭعىلىن سترويتەلنايا كوشەسىنەن قالا شەكاراسىنا دەيىن ۇزارتۋدى اياقتاۋ جوسپارلانۋدا. تولە بي كوشەسىن ۇزارتۋ ءۇشىن 270 جەر ۋچاسكەسى الىنۋى ءتيىس، 170 جەر ۋچاسكەسى ساتىپ الىندى، قالعان ۋچاسكەلەردى ساتىپ الۋدى جىل سوڭىنا دەيىن اياقتاۋ جوسپارلانۋدا. جۇبانوۆ كوشەسىن ۇزارتۋ ءۇشىن 346 جەر ۋچاسكەسى الىناتىن بولادى. 148 وبەكت بويىنشا قاۋلىلار قابىلداندى، ۋچاسكەلەردى ساتىپ الۋ 2025 جىلدىڭ سوڭىنا دەيىن جوسپارلانعان.
قوعامدىق كولىككە قىزمەت كورسەتۋ ساپاسىن ارتتىرۋ تۋرالى ايتا كەلە، قالا اكىمى جىل باسىنان بەرى 10 باعىتتا ارالىقتاردى قىسقارتۋ ماقساتىندا 150 اۆتوبۋس جاڭارتىلعانىن ايتتى. تۇرعىنداردىڭ جايلىلىعى ءۇشىن 12 جاڭا ايالداما پاۆيلونى ورناتىلدى، ال جىل سوڭىنا دەيىن بۇرىن بولماعان تاعى 5 ايالداما ورناتۋ جوسپارلانۋدا.