الماتىدا جىل سوڭىنا دەيىن شۇعىلا شاعىن اۋدانىندا 320 ورىندىق مەملەكەتتىك بالاباقشا پايدالانۋعا بەرىلەدى.
بۇل تۋرالى ناۋرىزباي اۋدانىنىڭ اكىمى ەربولات دوسايەۆ مالىمدەدى، دەپ حابارلايدى Almaty-akshamy.kz.
ول جىل باسىنان بەرى مەكتەپكە دەيىنگى ورىنداردىڭ تاپشىلىعىن تومەندەتۋ ماقساتىندا اۋداندا 475 ورىندىق 9 جەكەمەنشىك بالاباقشا اشىلعانىن اتاپ ءوتتى. ال جىل سوڭىنا دەيىن 50 ورىندىق تاعى 1 بالاباقشا اشۋ كوزدەلىپ وتىر.
«سونىمەن قاتار، قازان ايىندا قۇرامىس جانە شۇعىلا شاعىن اۋداندارىندا 640 ورىندىق تاعى 2 بالاباقشا سالۋدى باستاۋ جوسپارلانعان، وعان قاراجات ءبولىندى. ءارى قالقامان جانە شۇعىلا شاعىن اۋداندارىندا تاعى 560 ورىندىق 2 بالاباقشانى جوبالاۋ باستالدى. 2024 جىلدىڭ ءساۋىر ايىندا ساراپتاما قورىتىندىسىن العاننان كەيىن قۇرىلىستى 2024 جىلدىڭ IIIء-شى توقسانىندا باستاۋ جوسپارعا ەنگەن»، - دەدى قالا باسشىسى.