الماتىنىڭ ناۋرىزباي اۋدانىنداعى 10 كوشەدە 2024 جىلى 9 شاقىرىم ارىق سالىنادى
الماتىدا 2024 جىلى قالقامان، قاراعايلى جانە شۇعىلا شاعىن اۋداندارىنىڭ 10 كوشەلەرىندە 9 ارىق سالۋ جوسپارلانۋدا. بۇل تۋرالى الماتى اكىمى ەربولات دوسايەۆ ناۋرىزباي اۋدانىنىڭ تۇرعىندارىمەن كەزدەسۋدە مالىمدەدى.
قالا باسشىسى 2023 جىلى "الما سيتي-3" تك سۋ باسۋ ۋچاسكەسى جويىلعانىن، 600 مەتر ارىق جەلىسى سالىنعانىن اتاپ ءوتتى. جالپى ناۋرىزباي اۋدانى بويىنشا 5 كوشەدە 6،6 شاقىرىم ارىق سالىندى.
سونىمەن قاتار، 2023 جىلدىڭ تامىز ايىندا جاسىل جەلەكتەردى ۋاقتىلى كۇتۋ ماقساتىندا 4 ۋچاسكەدە ۇزىندىعى 4 كم اۆتوماتتاندىرىلعان سۋارۋ جۇيەسى سالىندى، "بيىل تاعى 20 ۋچاسكەنى قامتۋدى جوسپارلاپ وتىرمىز"، - دەپ تولىقتىردى ەربولات دوسايەۆ.