بورىشىن وتەگەن الماتىلىق سارباز اتا-اناسىمەن جۇزدەستى
ناۋرىزباي اۋدانىندا ەر بالالاردى اسكەرگە شىعارىپ سالۋ ءراسىمى ءوتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
كۇزگى مەرزىمدى اسكەري قىزمەتكە شاقىرۋ ناۋقانىنا وراي ۇيىمداستىرىلعان ءىس-شاراعا اسكەري قىزمەتكەرلەر، ارداگەرلەر مەن جاستار قاتىستى. ۇرمەلى وركەستردىڭ ورىنداۋىنداعى پاتريوتتىق اندەر شىرقالىپ، ۇلتتىق ءان-بي ساحنالاندى. بيىل اۋدان بويىنشا كوكتەمدە 150 بالا اسكەرگە اتتانعان، كۇزدە تاعى 200 ازامات سارباز اتانباق.
«شارانىڭ ماقساتى – اۋدانىمىزداعى، قالامىزداعى جاستاردى اسكەر قاتارىنا شاقىرۋ، پاتريوتتىق رۋحتا تاربيەلەۋ. جەلىلەردە وي تۋىنداپ جاتادى. اسكەرگە كەلۋدىڭ، سونىڭ قىر-سىرىن ساربازداردىڭ ءوزىن شاقىرىپ، قانداي ەكەنىن ايتقىزىپ، جاستاردى بورىشىن وتەۋگە شاقىرىپ جاتىرمىز»، – دەدى ناۋرىزباي اۋدانى اكىمىنىڭ ورىنباسارى ميراس نىسانالييەۆ.
سالتاناتتى ءىس-شارا كەزىندە اسكەري قىزمەتىن شىمكەنت قالاسىندا ۇزدىك اتقارعان الماتىلىق سارباز ارنايى شاقىرتىلىپ، اتا-اناسىمەن جۇزدەستى. كەلەر بۋىنعا ۇلگى بولسىن دەگەن ۇيىمداستىرۋشىلار توسىن سىي جاساپتى.
«قۋانىشىمىزدا شەك جوق. اكىمشىلىككە، ۆوەنكومات باسشىلىعىنا راحمەت! بالالار امان-ەسەن بارىپ كەلدى. بۇگىن بىزگە توسىن سىي جاسادى. بالالار بارسىن، ءار بالانىڭ مىندەتى – بورىشىن وتەۋ»، – دەدى اتا-انا قابىلانبەك قاراكۇشىكوۆ.