اتىراۋدا ۇلىستىڭ ۇلى كۇنى قارساڭىندا ستۋدەنتتەردىڭ «ءبىز جانباساق...» رەسپۋبليكالىق ايتىسى ءوتتى
ستۋدەنتتەردىڭ ايتىسى اكادەميك زەينوللا قابدولوۆتىڭ 95 جىلدىعىنا ارنالدى. ح.دوسمۇحامەدوۆ اتىنداعى اتىراۋ ۋنيۆەرسيتەتى ۇيىمداستىرعان ايتىسقا ەلىمىزدىڭ جوعارى وقۋ ورىندارىنان 16 ستۋدەنت قاتىستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ايتىستىڭ باس جۇلدەسىنە نۇر-سۇلتان قالاسىنداعى قازاق ۇلتتىق ونەر ۋنيۆەرسيتەتىنىڭ ستۋدەنتى باتىرجان كادىرباي لايىق دەپ تانىلدى. ءبىرىنشى جۇلدەنى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ ستۋدەنتى رايىمبەك وتەپوۆ يەلەندى. ەكىنشى جۇلدەگە قاراعاندى تەحنيكالىق ۋنيۆەرسيتەتىنىڭ ستۋدەنتى بەكارىس وسپانوۆ يە بولدى. ءۇشىنشى ورىندى باتىس قازاقستان يننوۆاسيالىق-تەحنيكالىق ۋنيۆەرسيتەتىنىڭ ستۋدەنتى بيمىرزا ءابىلقايىر مەن نۇر-سۇلتان قالاسىنداعى مەديسينالىق ۋنيۆەرسيتەتتىڭ ستۋدەنتى ساعىنىش سمەت ەنشىلەدى.
سونداي-اق، قازاق ۇلتتىق ونەرى – ايتىسقا بەت بۇرعان ستۋدەنتتەرگە 6 ارنايى جۇلدە بەرىلدى. ماسەلەن، يساتاي اۋدانىنىڭ اكىمدىگى ناسيحات سۇگىر ۇلى مەن نۇرالى اجىعالييەۆ، قىزىلقوعا اۋدانىنىڭ اكىمدىگى كادىرباي جولايەۆ پەن ماقسوت ساركەنجەيەۆ اتىنداعى ارنايى قارجىلاي سىيلىق ۇسىندى. ال، جىلىويلىق ونەر جاناشىرلارى سالاۋات يساقايەۆ اتىنداعى جۇلدەگە دەمەۋشىلىك جاسادى.