ناۋرىزنامانىڭ ونكۇندىگىن تويلاۋ كەزىندە 19 ناۋرىزدا قازاقستاندا جاڭارۋ كۇنى اتاپ وتىلەدى. بۇل كۇنى قالانىڭ اۋداندارىندا كوشەت ەگىلدى. شاھار بويىنشا بارلىعى 400-دەن استام اعاش وتىرعىزىلدى، دەپ حابارلايدى almaty-akshamy.kz
الماتىنىڭ ناۋرىزباي اۋدانىندا شۇعىلا شاعىن اۋدانى، 345/3 مەكەنجايىنداعى №200 مەكتەپتە بالالار مەن اتا-انالار 100 تۋيا وتىرعىزدى. اكسياعا قاتىسۋشىلار ءۇشىن «قارا جورعا» ۇلتتىق ءبيى بويىنشا فلەشموب، ۇلتتىق سپورت تۇرلەرى بويىنشا جارىستار ۇيىمداستىرىلدى، سونىمەن قاتار، باۋىرساق پەن ناۋرىز كوجە تاراتىلدى.
اۋەزوۆ اۋدانىندا №116 جانە №119 مەكتەپتەردىڭ فۋتبول الاڭدارىنا 125 تۋيا اعاشى وتىرعىزىلدى. كوشەت ەگۋگە اۋدان ارداگەرلەرى، كوميۋنيتي ورتالىقتىڭ جاستارى، وقۋشىلار جانە ت.ب. ەرىكتىلەر قاتىستى.
الماتىنىڭ بوستاندىق اۋدانىندا 60 قايىڭ وتىرعىزىلدى. ونىڭ 10-ى - ساتبايەۆ كوشەسى، 90/64 مەكەنجايىنداعى №189 بوبەكجاي-باقشاسىنىڭ اۋماعىندا جانە 60-ى – تۇڭعىش پرەزيدەنت ساياباعىندا. ءىس-شاراعا اۋدان جاستارى مەن «امانات» اۋداندىق پارتياسىنىڭ وكىلدەرى قاتىستى.
الماتىنىڭ الاتاۋ اۋدانىندا سايالى شاعىن اۋدانىنىڭ 204 مەكتەبىندە اعاش وتىرعىزىلدى. وندا 100 كوشەت ەگىلدى، ولار ءساناعاش پەن قاراعاش. ناۋقانعا اۋدان اكىمى ازامات قالدىبەكوۆ قاتىستى. اعاش وتىرعىزىلعان سوڭ مەكتەپتە ناۋرىزعا ارنالعان مەرەكەلىك كونسەرت ءوتتى.
قالانىڭ باسقا اۋداندارىندا اعاش وتىرعىزۋ جالعاسىپ جاتىر. سونىمەن قاتار، بيىل 320 مىڭ اعاش پەن بۇتا وتىرعىزۋ جوسپارلانعان. بۇل رەتتە، الماتىنىڭ كوگالداندىرىلعان اۋدانىنا ەرەكشە نازار اۋدارىلادى. 2030 جىلعا قاراي قالادا 2،5 ملن. استام جاسىل جەلەك وتىرعىزىلادى.
ەستەرىڭىزگە سالا كەتەيىك، بيىل ناۋرىزنامنىڭ ونكۇندىگى 14-23 ناۋرىز ارالىعىندا تويلانادى. سونىڭ اياسىندا قالادا كوپتەگەن ءىس-شارا ءوتىپ جاتىر، ولاردىڭ تولىق ءتىزىمىن الماتى قالاسى اكىمدىگىنىڭ سايتىنان كورۋگە بولادى.