بيىل ۇلىستىڭ ۇلى كۇنى جاڭاشا تويلانادى.
14 مەن 23ء-شى ارالىعىندا ناۋرىزناما ون كۇندىگى بەلگىلەندى، دەپ حابارلايدى Almaty-akshamy.kz 24.kz-كە سىلتەمە جاساپ.
ال وسى مەرەكەنىڭ لوگوتيپى رەتىندە «قىزعالداق» گ ۇلى تاڭدالدى. ەرتەڭنەن باستاپ كۇن سايىن ەلىمىزدىڭ بارلىق وڭىرىندە تاقىرىپتىق ءىس-شارالار ۇيىمداستىرىلادى. 14ء-شى ناۋرىز كورىسۋ كۇنى، 15ء-سى قايىرىمدىلىق كۇنى، 16-سى مادەنيەت جانە ۇلتتىق ءسالت-داستۇر كۇنى، 17ء-سى شاڭىراق كۇنى، 18ء-شى ناۋرىز ۇلتتىق كيىم كۇنى. ال 19ء-شى ناۋرىز جاڭارۋ كۇنىندە كوكتەمگى اعاش ەگۋ ناۋقانىن جالعاستىرۋ ۇسىنىلدى. 20-سى ۇلتتىق سپورت كۇنى دەپ بەلگىلەندى. بۇل كۇنى بايگە، كوكپار، جامبى اتۋ، اۋدارىسپاق، تەڭگە ءىلۋ جارىستارى ۇيىمداستىرىلادى. رەسپۋبليكا بويىنشا ۇسىن سانى 10 مىڭنان استام مادەني ءىس-شارا وتەدى. ال باستى مەرەكەلىك كونسەرتتەر 21-22ء-شى ناۋرىز كۇندەرى استانا قالاسىنىڭ ەكسپو اۋماعىندا بولادى.
«14 مەن 23 ناۋرىز ارالىعىندا ناۋرىز بازارلىق جاريالانادى. بۇل كۇندەرى ساۋدا ورىندارىندا جاپپاي ساتىلىمدار، جەڭىلدىكتەر قاراستىرىلۋى جوسپارلانىپ وتىر. ال ناۋرىزنامانىڭ قورىتىندى كۇنى جاڭا جىلدى تۇتاس ەل بولىپ جاڭا ماقسات، ءجاڭىا ۇمىتپەن قارسى الۋدىڭ سيمۆولى رەتىندە 23ء-شى ناۋرىزدى تازارۋ كۇنى ەتىپ جاريالانادى. بۇل كۇنى جالپىۇلتتىق ەكولوگيالىق اكسيا وتەدى»، - دەيدى ق ر مام مادەنيەت كوميتەتى ءتوراعاسىنىڭ ورىنباسارى ءسابيت بارلىبايەۆ.