فينليانديا مەن شۆەسيانىڭ سىرتقى ىستەر مينيسترلەرى ناتو-عا كىرۋ تۋرالى پروتوكولعا قول قويدى. بۇل تۋرالى ۇيىمنىڭ باس حاتشىسى يەنس ستولتەنبەرگ مالىمدەدى، دەپ حابارلايدى Almaty-akshamy.kz «حابار 24»-كە سىلتەمە جاساپ. ەندى اليانس قۇرامىنداعى 30 مەملەكەت اتالعان قۇجاتتى راتيفيكاسيالاعان سوڭ ەكى ەل ناتو-نىڭ تولىققاندى مۇشەسى اتانادى. ەستەرىڭىزدە بولسا، حەلسينكي مەن ستوكگولم اسكەري وداققا مۇشە بولۋ تۋرالى ءوتىنىشتى مامىردىڭ ورتاسىندا جولداعان ەدى. باستاپقىدا تۇركيا فينليانديا مەن شۆەسيانىڭ ناتو-عا قوسىلۋىنا قارسىلىق بىلدىرگەن بولاتىن. ءبىراق كەيىن تاراپتار ورتاق كەلىسىمگە كەلدى.
